پاکستان کرکٹ ٹیم کے آل راؤنڈر سہیل خان نے انٹرنیشنل کرکٹ کو خیر آباد کہہ دیا۔
سماجی رابطے کی ویب سائٹ ایکس پر جاری کردہ اپنے ایک پیغام میں فاسٹ باؤلر سہیل خان نے انٹر نیشنل کرکٹ سے ریٹائرمنٹ کا اعلان کیا۔
Related Articles
اپنے پیغام میں سہیل خان کا کہنا تھا کہ اپنے قریبی لوگوں سے مکمل مشاورت کے بعد میں نے انٹرنیشنل اور فرسٹ کلاس کرکٹ سے ریٹائرمنٹ کا فیصلہ کیا ہے۔
فاسٹ باؤلر نے کہا کہ پاکستان کرکٹ بورڈ ( پی سی بی ) ، میری فیملی، کوچز، مینٹورز، ٹیم کے ساتھیوں، مداحوں اور ہر اس شخص کا بہت شکریہ جنہوں نے مجھے سپورٹ کیا۔
ان کا مزید کہنا تھا کہ میں ڈومیسٹک وائٹ بال اور فرنچائز کرکٹ کھیلنا جاری رکھوں گا۔
خیال رہے کہ سہیل خان دائیں ہاتھ کے فاسٹ باؤلر ہیں جہنوں نے اپنے پہلے فرسٹ کلاس سیزن کے دوران پہچان حاصل کی اور انہوں نے لیجنڈ کرکٹر فضل محمود کا بہترین باؤلنگ ریکارڈ بھی توڑا۔
سہیل خان پاکستان کی جانب سے 9 ٹیسٹ، 13 ون ڈے اور 5 ٹی ٹوئنٹی انٹرنیشنل میچز کھیل چکے ہیں۔
انہوں نے اپنے ٹیسٹ کیرئیر کے دوران 27 جبکہ ون ڈے میں 19 اور ٹی 20 میں 5 وکٹیں حاصل کر رکھی ہیں۔
This post first appeared on Articles On Political Issues, Current Affair, Social Buzz And Entertaiments, please read the originial post: here