سابق وزیراعلیٰ پنجاب چوہدری پرویزالہیٰ نے پبلک مینٹیننس آرڈر (ایم پی او) کے تحت گرفتاری اسلام آباد ہائیکورٹ میں چیلنج کردی۔

پرویزالہیٰ نے وکیل عبد الرازق کے ذریعے اسلام آباد ہائی کورٹ میں درخواست دائر کی ہے۔ درخواست میں مؤقف اپنایا گیا ہے کہ یکم ستمبر کا ایم پی او غیر قانونی ہے، اسے کالعدم قرار دے کر رہائی کا حکم دیا جائے۔

سابق وزیراعلیٰ پنجاب کی جانب سے دائر درخواست میں یہ بھی کہا گیا ہے کہ پرویز الہی کو سیاسی بنیادوں پر انتقام کا نشانہ بنایا جا رہا ہے۔

واضح رہے کہ گزشتہ روز لاہور ہائیکورٹ سے رہائی کے بعد سابق وزیراعلیٰ پنجاب اور تحریک انصاف کے صدر چوہدری پرویز الہی کو لاہور سے گرفتار کرکے اٹک جیل منتقل کر دیا گیا۔ پرویز الہیٰ کو اسلام آباد پولیس نے گھر کے راستے سے دوبارہ گرفتار کیا تھا۔