دل میں وہ دردِ نہاں ہے کہ بتائیں کس کو
دل میں وہ دردِ نہاں ہے کہ بتائیں کس کو
ہاں اگر ہے تو کوئی محرمِ اسرار سنے
خلوتِ ذہن کے ہر راز کی سرگوشی کو
یہ نہ ہوجائے کہ بازار کا بازار سنے
نرمئ زمز و کنایہ کا تقاضہ یہ ہے
پرتوِ شاخ کہے ، سایۂ دیوار سنے
ہونٹ ہلنے بھی نہ پائیں کہ معانی کھل جائیں
لمحۂ شوق کہے ، ساعتِ دیدار سنے
میں تو سو مرتبہ تیشے کی زباں سے کہدوں
تو جو افسانۂ فرہاد بس اک بار سنے
مصطفےٰ زیدی
