سر میں سودا بھی نہیں ، دل میں تمنا بھی نہیں
سر میں سودا بھی نہیں ، دل میں تمنا بھی نہیں
لیکن اس ترکِ محبت کا بھروسہ بھی نہیں
دل کی گنتی نہ یگانوں میں نہ دیوانوں میں
لیکن اس جلوہ گہہِ ناز سے اٹھتا بھی نہیں
شکوۂ جور کرے کیا کوئی اس شوخ سے جو
صاف قائل بھی نہیں صاف مکرتا بھی نہیں
میربانی کو محبت نہیں کہتے اے دوست
آہ اب مجھ سے تری رنجشِ بیجا بھی نہیں
بات یہ ہے کہ سکونِ دلِ وحشی کا مقام
کنجِ زندان بھی نہیں، وسعتِ صحرا بھی نہیں
مدتیں ہوئیں کہ تری یاد بھی آئی نہ ہمیں
اور ہم بھول گئے ہوں تمہیں ایسا بھی نہین
فراق گورکھپوری
