Tum hi thi na jisne mujhe pyar par vishwas karna sikhaya tha,
Par kya tum vo bhi ho jiske karan aaj mai pyar karne se darta ho.

Tum hi thi na jiski wajah se mai duniya par vishwas karne laga tha,
Par kya tum vo bhi ho jiske karan aaj mai kisi par bhi vishwas nahi kar pata ho.

Tum hi thi na jo zindagi ka safar saath mai chalne ki baaten kiya karti thi,
Par kya tum vo bhi ho jisne zindagi ke beech safar mai mera saath chod diya.

Tum hi thi na jo insaniyat ko apna dharam samajhti thi,
Par kya tum vo bhi ho jiski wajah se mera is dharam se vishwas uth gaya hai.

Tum hi thi na jiski kushi ke liye mai duniya se ladne ko tyar tha,
Par kya tum vo bhi ho jisko mujhme apni kushi na dikhi.

Tum hi thi na jiski ek muskurahat, duniya mai mere liye sabse kimti thi,
Par kya tum vo bhi ho jiske karan aaj mai muskurana bhool gaya ho.

Kaun thi tum, aur aaj kaun ho tum ?

Kya tum vaham thi mera, ya fir koi sacchai ?
Kya tum koi saaya thi, ya fir mera hassen sapna ?

Jo bhi thi tum,
Aaj meri Zindagi ki ek pheli ho tum..!!