من مدة عشرة أيام كسرولنا أبواق الدعاية متاع "باعث القناة" رؤوسنا بحكاية حصة "الصراحة راحة" اللي تسجلت مع البلعوط الكبير بهتان المسيس...قالك تصريحات نارية...

براس امكم...فاش تترقبوا من نقاش(؟) داير ما بين واحد منشط المستوى التعليمي متاعو التاسعة أساسي ،مدة صلوحيتو وفات، و واحد بلعوط عرفوه التوانسة ،من بنزرت إلى بن قردان(عدى خميس بوبطان)، يكذب كيما يتنفس...

الأربعاء الفارط قررت القناة عدم بث الحصة و إرجائها للبارح... و اليوم خرج خبر اللي باعث القناة قرر انو الحصة top secret و خبّاها في كوفر...

توه يستبهلوا في الناس الى الحد هذا؟...احنا بسيس ما امناهش لمدة 10سنين...و جايين توّه تحبو تسوقولنا هالبضاعة المضروبة؟

انا باهت في dircoms متاع المؤسسات الصناعية التونسية كيفاش يعطيو اشهارهم لهذه القناة و ماهمش فايقين انهم يربطوا صورة منتوجاتهم سلبيا بقناة تسوق لابشع الرهوط متاع بن علي...

اش بيه باعث القناة ما حكلناش على برهان بسيس "موظف مترسم" لدى شركة sotetel(تابعة لاتصالات تونس) من مارس 2004؟ ...كيف وقع ذلك...استاذ تربية في "سوتيتيل"...قداش شهريتو الى ديسمبر 2010...قداش من لتر ايسنس في الشهر...شكون في "سوتيتال" يعرفوا؟... و كم مرّة حط ساقيه في المقر متاع الشركة او فروعها؟...قداش شهرية بسيس في atce...كم قيمة العقد اللي امضاه لمدة 5 سنوات مع ….NBN

انا اتمنى ان صحفي شجاع من "نسمة" او قناة 7 او 21 او اذاعات "اكسبراس" و الا RTCI او المنستير او شمس اف ام..يقوم بتحقيق نزيه في الموضوع ...وقتها تشوفو SCOOP