वृत्तसंस्था
लंडन : ब्रिटिश खासदार रेचेल हॉपकिन्स यांनी डिप्लोमॅटिक ब्युरो चीफ जाफर खान आणि जम्मू आणि काश्मीर लिबरेशन फ्रंट (JKLF)च्या इतर सदस्यांची भेट घेतली आहे. ब्रिटिश संसदेत झालेल्या या भेटीत त्यांनी काश्मीरमधील दहशतवादी यासिन मलिकच्या खटल्याच्या सुनावणीबाबतही चर्चा केली.British MPs meet Kashmir separatists; Discussion on the punishment of terrorist Yasin Malik
संघटनेच्या सदस्यांची भेट घेतल्यानंतर रेचलने सोशल मीडियावर सांगितले की, “जाफर खान यांच्यासोबत माझी एक महत्त्वाची बैठक झाली. यादरम्यान यासिन मलिकला सुनावलेल्या शिक्षेविरोधातील अपीलवर चर्चा झाली. मी नेहमीच काश्मिरी आणि त्यांच्या हक्कांसाठी उभी राहीन.”
- ब्रिटिश वृत्तपत्राचा दावा- भारताकडून पाकिस्तानमध्ये टार्गेट किलिंग; परराष्ट्रमंत्री जयशंकर यांनी दिले प्रत्युत्तर
जेकेएलएफवर जम्मू-काश्मीरमध्ये दहशतवाद भडकावण्याचा आणि फुटीरतावादाला प्रोत्साहन देण्याचा आरोप आहे. भारताने 2019 मध्ये या संघटनेवर बंदी घातली होती.
काश्मीरमधील दहशतवादी हल्ल्यांसाठी निधी वापरला जातो
यासिन मलिकला एनआयए कोर्टाने 2022 मध्ये टेरर फंडिंग प्रकरण, यूएपीए आणि देशाविरुद्ध युद्ध पुकारल्याच्या आरोपाखाली जन्मठेपेची शिक्षा सुनावली होती. दोन खटल्यांमध्ये जन्मठेपेची तर इतर प्रकरणांमध्ये 10 वर्षांची शिक्षा सुनावण्यात आली.
यानंतर एनआयएने यासीनची शिक्षा जन्मठेपेवरून फाशीच्या शिक्षेत बदलण्याचे आवाहन केले. यासीनवर पाकिस्तानच्या पाठिंब्याने काश्मीरमधील दहशतवादी हल्ल्यांसाठी निधी पुरवणे आणि दहशतवाद्यांना शस्त्रे पुरवणे यासंबंधी अनेक गुन्हे दाखल आहेत.
यासिन मलिकच्या शिक्षेला ओआयसीने विरोध केला होता
ऑर्गनायझेशन ऑफ इस्लामिक कोऑपरेशन (ओआयसी) च्या मानवाधिकार आयोगाने यासिनच्या शिक्षेचा निषेध केला होता. ओआयसीने म्हटले होते की, मलिक यांना अमानवीय परिस्थितीत तुरुंगात टाकण्यात आले, यातून काश्मीरमध्ये राहणाऱ्या मुस्लिमांवर होणारा अत्याचार दिसून येतो. ओआयसीने मलिकच्या शिक्षेचे वर्णन भारतीय न्याय व्यवस्थेची थट्टा करणारे आहे.
ओआयसीच्या या विधानाला भारताच्या परराष्ट्र मंत्रालयाने विरोध केला होता. परराष्ट्र मंत्रालयाने ओआयसीचे म्हणणे स्वीकारले जाणार नसल्याचे सांगितले होते. मलिक यांच्यावरील आरोप न्यायालयात सिद्ध झाले आणि त्यानंतरच त्यांना शिक्षा सुनावण्यात आली. भारताचे दहशतवादाविरुद्ध शून्य सहनशीलतेचे धोरण आहे.
British MPs meet Kashmir separatists; Discussion on the punishment of terrorist Yasin Malik
महत्वाच्या बातम्या
- पवारांनी काढली आपल्याच राष्ट्रवादीची हवा; लोकसभा निवडणूक टार्गेटच नसल्याचा धक्कादायक खुलासा!!
- आलिशान कार मध्ये कुत्र्याशी खेळून; राहुल गांधी कळवळले देशाचे “हाल” बघून!!
- पावसानंतर पवारांना आता अश्रूंचा आधार; अजितदादांनी केला पलटवार!!
- संभाजी नगरात शिंदेंनी उतरवले भुमरे; पण नाशिकचे उमेदवार अजून लटकवले!!
