भाजप राज्यातील राजकीय परिस्थिती बदलू शकते
विशेष प्रतिनिधी
हिमाचल प्रदेशात राज्यसभेच्या एका जागेसाठी मतदान प्रक्रिया सुरू आहे, मात्र प्राप्त माहितीनुसार सत्ताधारी काँग्रेसला मोठा धक्का बसू शकतो. क्रॉस व्होटिंगमुळे काँग्रेस सरकार अल्पमतात येऊ शकते. सूत्रांकडून मिळालेल्या माहितीनुसार, काँग्रेसच्या 6 आमदारांनी क्रॉस व्होटिंग केले आहे. म्हणजेच त्यांनी भाजपचे उमेदवार हर्ष महाजन यांना मतदान केले आहे.Himachal Pradesh Sakhus Chief Ministership in danger due to cross voting by Congress
Related Articles
काँग्रेसने सर्वोच्च न्यायालयाचे ज्येष्ठ वकील अभिषेक मनु सिंघवी यांना उमेदवारी दिली आहे, तर भाजपने हर्ष महाजन यांना उमेदवार म्हणून घोषित केले आहे. विधानसभेत 68 पैकी सर्वाधिक जागा काँग्रेसच्या आहेत. काँग्रेस 40 जागांसह सत्तेत आहे, तर भाजपकडे केवळ 25 आमदार आहेत. याशिवाय अपक्ष आमदारांची संख्या तीन आहे. अशा स्थितीत काँग्रेसच्या काही आमदारांनी काँग्रेस उमेदवार सिंघवी यांच्या बाजूने मतदान न करता हर्ष महाजन यांना मतदान केले.
- सोनिया गांधी राजस्थानमधून तर अभिषेक मनू सिंघवी हिमाचलमधून राज्यसभेवर जाणार
सूत्रांनी दिलेल्या माहितीनुसार, सुधीर शर्मा, राजेंद्र राणा, देवेंद्र भुट्टो, चैतन्य शर्मा, रवी ठाकूर, इंदर दत्त लखनपाल यांच्याकडून क्रॉस व्होटिंग होण्याची शक्यता आहे.
हिमाचल प्रदेशमध्ये जेपी नड्डा यांची जागा रिक्त झाल्यामुळे 1 जागेवर निवडणूक होत आहे. काँग्रेसने सर्वोच्च न्यायालयाचे ज्येष्ठ वकील अभिषेक मनू सिंघवी यांना उमेदवारी दिली आहे, तर भाजपकडून हर्ष महाजन रिंगणात आहेत, मात्र क्रॉस व्होटिंगमुळे सिंघवी तसेच सुखविंदर सिंग सुखू यांच्यावर संकटाचे ढग दाटून आले आहेत.
मिळालेल्या माहितीनुसार, 40 पैकी 6 आमदारांनी क्रॉस व्होटिंग केले असेल तर काँग्रेसचे उमेदवार सिंघवी यांना 34 मते मिळू शकतात. त्याचवेळी भाजपकडे 25 आमदार, अपक्ष 3 आणि काँग्रेसच्या 6 आमदारांनी क्रॉस व्होटिंग केले तर हा आकडा 34 होतो, अशा स्थितीत 34 मते हर्ष महाजन यांच्या बाजूने होतील. तथापि, 68 सदस्यीय हिमाचल विधानसभेत बहुमताचा जादुई आकडा 35 आमदारांचा आहे. अशा परिस्थितीत काँग्रेसचे आणखी अनेक आमदार त्यांच्या संपर्कात असल्याची भाजपला खात्री आहे. असे झाल्यास सुखविंदर सिंग सुखू यांची खुर्ची धोक्यात येऊ शकते.
Himachal Pradesh Sakhus Chief Ministership in danger due to cross voting by Congress
महत्वाच्या बातम्या
- लोकसभा निवडणुकीपूर्वी काँग्रेसला आणखी एक धक्का, माजी मंत्री भाजपमध्ये जाणार
- द फोकस एक्सप्लेनर : कसे होते राज्यसभेसाठी मतदान? किती आमदारांच्या मतांनी निवडून येतो खासदार? वाचा सविस्तर
- 28 फेब्रुवारी रोजी पीएम नरेंद्र मोदींच्या हस्ते देशातील दुसऱ्या स्पेसपोर्टची पायाभरणी, येथून प्रक्षेपित होणार छोटे रॉकेट
- जरांगेंना शिंदेंच्या कॅम्पमध्ये “ढकलून” पवार कॅम्पचा “अलिप्त” होण्याचा “बौद्धिक” प्रयत्न!!