वृत्तसंस्था
नवी दिल्ली : लोकसभा निवडणुकीपूर्वी काँग्रेसला आणखी एक मोठा धक्का बसला आहे. माजी केंद्रीय राज्यमंत्री नारनभाई राठवा भाजपमध्ये प्रवेश करणार असल्याचे सांगण्यात येत आहे. मिळालेल्या माहितीनुसार, गुजरात भाजप प्रदेशाध्यक्ष सीआर पाटील यांच्या उपस्थितीत राठवा भाजपमध्ये प्रवेश करणार आहेत. In another blow to Congress before the Lok Sabha elections, the former minister will join the BJP
Related Articles
राठवा यांची गणना बड्या नेत्यांमध्ये होत असल्याने काँग्रेससाठी हा मोठा धक्का मानला जात आहे. राठवा हे यूपीए सरकारमध्ये रेल्वे राज्यमंत्री होते. त्यांचा राज्यसभेचा कार्यकाळ नुकताच संपला.
67 वर्षीय नारनभाई राठवा यांनी काँग्रेसमधूनच राजकारणाला सुरुवात केली. ते पाच वेळा लोकसभेचे खासदार होते. 1989 मध्ये लोकसभा निवडणूक जिंकून राठवा पहिल्यांदा संसदेत पोहोचले. यानंतर त्यांनी 1991, 1996, 1998 आणि 2004 च्या निवडणुकाही जिंकल्या. ते छोटा उदयपूरचे खासदार होते. 2004 ते 2009 दरम्यान ते UPA-1 मध्ये रेल्वे राज्यमंत्री होते.
2009 च्या लोकसभा निवडणुकीत भाजपच्या रामसिंग राठवा यांच्याकडून राठवा यांचा पराभव झाला होता. त्यानंतर जवळपास 10 वर्षे त्यांनी कोणतेही पद भूषवले नाही. 2018 मध्ये काँग्रेसने त्यांना राज्यसभेवर पाठवले. नुकताच त्यांचा राज्यसभेचा कार्यकाळ संपला.
- निवडणुकीपूर्वी झारखंडमध्ये काँग्रेसला मोठा धक्का ; या दिग्गज नेत्यांनी भाजपमध्ये केला प्रवेश
एवढेच नाही तर गुजरातमधील काँग्रेसचे दिग्गज नेते अहमद पटेल यांची मुलगीही नाराज असल्याचे सांगण्यात येत आहे. किंबहुना, गुजरातमधील लोकसभा निवडणुकीसाठी आम आदमी पार्टी आणि काँग्रेसमध्ये जागावाटपावर जवळपास एक करार झाला आहे. गुजरातमधील भरूचची जागा आम आदमी पक्षाला मिळू शकते. भरूचमधून अहमद पटेल यांची कन्या मुमताज पटेल यांना किंवा त्यांचा भाऊ फैसल यांना पक्ष उमेदवारी देऊ शकेल अशी आशा होती. मात्र काँग्रेसने ही जागा आम आदमी पक्षासाठी सोडली आहे.
लोकसभा निवडणुकीपूर्वी काँग्रेसला अनेक मोठे धक्के बसले आहेत. सोमवारीच झारखंडमधील पक्षाच्या एकमेव खासदार गीता कोडा यांनीही भाजपमध्ये प्रवेश केला. 2019 च्या लोकसभा निवडणुकीत काँग्रेसने झारखंडमधील 14 जागांपैकी फक्त चाईबासा जागा जिंकली होती.
In another blow to Congress before the Lok Sabha elections, the former minister will join the BJP
महत्वाच्या बातम्या
- अजितदादांचे जनतेला खुले पत्र, भाजपसोबत जाण्याविषयी स्पष्ट केली भूमिका; मोदींच्या नेतृत्वात देशाचा विकास
- जरांगेंनी फडणवीसांची माफी मागावी, अन्यथा ओबीसी मोर्चाचा तीव्र आंदोलनाचा इशारा!!
- जरांगेंची भाषा “राजकीय”, ठाकरे – पवारांच्या स्क्रिप्टनुसारच जरांगे बोलतात!!; शिंदे – फडणवीसांचे संयमी, पण ठाम प्रत्युत्तर!!
- जोशी – महाजनांवरचा “पवार प्रयोग” फसला; फडणवीसांवरचा “जरांगे प्रयोग” यशस्वी होईल का??
