ഇന്ന് മുതൽ ടൊറന്റോയിൽ കൂടുതൽ ട്രാൻസിറ്റ് സ്റ്റേഷനുകളിൽ ക്രെഡിറ്റ് കാർഡ് ടാപ്പിംഗ് ഉപയോ​ഗിക്കാം. യാത്രക്കാർക്ക് അവരുടെ ക്രെഡിറ്റ് കാർഡ് ഉപയോഗിച്ചോ സ്‌മാർട്ട്‌ഫോണിലോ സ്‌മാർട്ട് വാച്ചിലോ ലോഡ് ചെയ്‌ത ക്രെഡിറ്റ് കാർഡ് ഉപയോഗിച്ചോ ഏത് പ്രെസ്റ്റോ മെഷീനിലും പണമടയ്‌ക്കാം സാധിക്കും. ഗ്രേറ്റർ ടൊറന്റോ ഹാമിൽട്ടൺ ഏരിയയിലുടനീളമുള്ള കൂടുതൽ യാത്രക്കാർക്ക് ക്രെഡിറ്റ് കാർഡ് ഉപയോഗിച്ച് യാത്രാക്കൂലി നൽകുന്ന പദ്ധതി നിലവിൽ‌ വന്നിരിക്കുന്നത്. തിങ്കളാഴ്ച മുതൽ, ഡർഹാം റീജിയൻ ട്രാൻസിറ്റ്, യോർക്ക് റീജിയണൽ ട്രാൻസിറ്റ്, ബർലിംഗ്ടൺ ട്രാൻസിറ്റ്, ഹാമിൽട്ടൺ സ്ട്രീറ്റ് റെയിൽവേ (എച്ച്എസ്ആർ) എന്നിവയിലെ യാത്രക്കാർക്ക് യാത്രാക്കൂലി നൽകുന്നതിനായി പണമടയ്ക്കാൻ ക്രെഡിറ്റ് കാർഡ് ടാപ്പ് ചെയ്യാം.
2021ലാണ് ക്രെഡിറ്റ് കാർഡ് ടാപ്പിംഗ് ആരംഭിച്ചത്. തുടർന്ന് ഓഗസ്റ്റിൽ GO ട്രാൻസിറ്റ്, ബ്രാംപ്ടൺ ട്രാൻസിറ്റ്, MiWay, Oakville ട്രാൻസിറ്റ് എന്നിവയിലേക്ക് വിപുലീകരിച്ചു. 518,475 യാത്രക്കാർ ജനുവരി 11 വരെ ഈ ട്രാൻസിറ്റ് സംവിധാനങ്ങളിലൂടെയുള്ള യാത്രകൾക്കായി അവരുടെ ക്രെഡിറ്റ് കാർഡുകൾ ഉപയോഗിച്ചു. “എല്ലാ ദിവസവും, കൂടുതൽ യാത്രക്കാർ അവരുടെ ക്രെഡിറ്റ് കാർഡുകൾ ഇതിനകം ലഭ്യമായ ഏജൻസികളിൽ ടാപ്പ് ചെയ്യുന്നു, കൂടാതെ ഈ പ്രവർത്തനം ഡർഹാം, യോർക്ക്, ബർലിംഗ്ടൺ, ഹാമിൽട്ടൺ എന്നിവിടങ്ങളിലേക്ക് വ്യാപിപ്പിക്കുന്നതിൽ ഞങ്ങൾ സന്തുഷ്ടരാണ്,” മെട്രോലിൻക്‌സിന്റെ ചീഫ് പേയ്‌മെന്റ് ഓഫീസർ ബാർക്ലേ ഹാൻകോക്ക് പറഞ്ഞു. അടുത്തത് ജി‌ടി‌എച്ച്‌എയിലെ എല്ലാ ട്രാൻസിറ്റ് ഏജൻസികളിലും ഡെബിറ്റ് ടാപ്പിംഗ് ഓപ്ഷൻ അവതരിപ്പിക്കുന്നതിനൊപ്പം ക്രെഡിറ്റ് കാർഡ് പേയ്‌മെന്റ് സംവിധാനം ടൊറന്റോ ട്രാൻസിറ്റ് കമ്മീഷനിലേക്ക് (ടിടിസി) വിപുലീകരിക്കാൻ പ്രവിശ്യ ആലോചിക്കുന്നതായും അ​ദ്ദേഹം വ്യക്തമാക്കി.

The post ടൊറന്റോയിൽ കൂടുതൽ ട്രാൻസിറ്റ് സ്റ്റേഷനുകളിൽ ക്രെഡിറ്റ് കാർഡ് ടാപ്പിംഗ് ഉപയോ​ഗിക്കാം appeared first on ente Canada.