Ee Nagaraniki Emaindi closing collections : ఈ వారం విడుదలైన కొత్త సినిమాలకంటే, పాత సినిమాలు రీ రిలీజ్ అయ్యి బాక్స్ ఆఫీస్ ని కబ్జా చేసేశాయి . పవన్ కళ్యాణ్ హీరో గా నటించిన ‘తొలిప్రేమ’ మరియు ‘ఈ నగరానికి ఏమైంది’ వంటి చిత్రాలు ఒక్క రోజు గ్యాప్ తో విడుదల అయ్యి బాక్స్ ఆఫీస్ వద్ద అద్భుతమైన వసూళ్లను దక్కించుకుంటూ ముందుకు దూసుకుపోతున్నాయి.

‘తొలిప్రేమ’ చిత్రానికి అద్భుతమైన ఓపెనింగ్స్ రావడం లో పెద్ద సర్ప్రైజ్ ఏమి లేదు, ఎందుకంటే అది పవర్ స్టార్ పవన్ కళ్యాణ్ సినిమా. కానీ ఎలాంటి స్టార్ క్యాస్టింగ్ లేని ‘ఈ నగరానికి ఏమైంది’ చిత్రం వసూళ్ల సునామి సృష్టించడమే అందరినీ ఆశ్చర్యానికి గురి చేస్తున్న విషయం. మొదటి రోజు ఈ చిత్రం ఏకంగా సూపర్ స్టార్ మహేష్ బాబు హీరో గా నటించిన పోకిరి సినిమా రీ రిలీజ్ వసూళ్లనే దాటేసింది. పోకిరి చిత్రాన్ని గత ఏడాది మహేష్ బాబు పుట్టిన రోజు సందర్భంగా రీ రిలీజ్ చేసారు.

ఈ చిత్రానికి అప్పట్లో దాదాపుగా కోటి 70 లక్షల రూపాయిల గ్రాస్ వసూళ్లు వచ్చాయి. ఇప్పుడు రీసెంట్ గా విడుదలైన ‘ఈ నగరానికి ఏమైంది’ చిత్రం మొదటి రోజు కోటి 80 లక్షల రూపాయిల గ్రాస్ వసూళ్లను రాబట్టిందని ఆ చిత్ర నిర్మాణ సంస్థ సురేష్ ప్రొడక్షన్స్ అధికారికంగా ట్విట్టర్ లో ఒక పోస్టర్ ద్వారా తెలియచేసింది. ఇక రెండవ రోజు ఆంధ్ర ప్రదేశ్ లో పెద్దగా వసూళ్లు రాకపోయినా కూడా తెలంగాణ లో మాత్రం అద్భుతమైన వసూళ్లను దక్కించుకుంది.

ఇక వీకెండ్ కూడా ఈ చిత్రం మల్టీప్లెక్సులలో ఆక్యుపెన్సీలు ఇరగదీస్తోంది. మొత్తం మీద ఈ చిత్రానికి క్లోసింగ్ కలెక్షన్స్ రెండు కోట్ల 50 లక్షల రూపాయిల రేంజ్ లో ఉంటుందని అంచనా వేస్తున్నారు. సురేష్ ప్రొడక్షన్స్ కి ఈమధ్య కాలం  విడుదలైన సినిమాలన్నీ బాక్స్ ఆఫీస్ వద్ద బోల్తా కొట్టాయి. ఆలాంటి సమయం లో విడుదలైన ఈ చిత్రానికి మంచి వసూళ్లు రావడం తో చాలా సంతోషం గా ఉన్నాడు సురేష్ బాబు.