नरेन्द्र मोदी
जन्म |
| ||
---|---|---|---|
उपनाम | गुजराती नाम નરેન્દ્ર મોદી | ||
जन्म स्थान | वडनगर, गुजरात | ||
कुछ प्रमुख कृतियाँ | |||
आँख ये धन्य है / नरेन्द्र मोदी | |||
विविध | |||
भारत के वर्तमान प्रधानमंत्री हैं | |||
जीवन परिचय | |||
नरेन्द्र मोदी / परिचय |
ધન્ય / નરેન્દ્ર મોદી
પૃથ્વી આ રમ્ય છે
આંખ આ ધન્ય છે.
લીલાછમ ઘાસ પર તડકો ઢોળાય અહીં
તડકાને કેમે કરી ઝાલ્યો ઝલાય નહીં.
વ્યોમ તો ભવ્ય છે.
ને પૃથ્વી આ રમ્ય છે.
આભમાં મેઘધનુષ મ્હોરતું, ફોરતું.
હવામાં રંગનાં વર્તુળો દોરતું.
કિયા ભવનું પુણ્ય છે ?!
જિંદગી ધન્ય છે, ધન્ય છે.
સમુદ્ર આ ઉછળે સાવ ઉંચે આભમાં,
કોણ જાણે શું ભર્યું છે વાદળોના ગાભમાં!
સભર આ શૂન્ય છે.
પૃથ્વી આ રમ્ય છે.
માનવીના મેળા સાથે મેળ આ મળતો રહ્યો.
ને અન્યના સંગાથમાં હું મને કળતો રહ્યો.
આ બધું અનન્ય છે.
ને કૈંક તો અગમ્ય છે.
ધન્ય ધન્ય ધન્ય છે.
પૃથ્વી મારી રમ્ય છે.
વસંત ઋતુ / નરેન્દ્ર મોદી
અંતમાં આરંભ અને આરંભમાં અંત.
પાનખરના હૈયામાં ટહુકે વસંત.
સોળ વરસની વય, ક્યાંક કોયલનો લય,
કેસૂડાંનો કોના પર ઊછળે પ્રણય?
ભલે લાગે છે રંક પણ ભીતર શ્રીમંત.
પાનખરના હૈયામાં ટહુકે વસંત.
આજે તો વનમાં કોના વિવાહ,
એક એક વૃક્ષમાં પ્રકટે દીવા.
આશીર્વાદ આપવા આવે છે સંત.
પાનખરના હૈયામાં ટહુકે વસંત.
મેળામાં મળવા દો / નરેન્દ્ર મોદી
મેળામાં મળવા દો
ટોળાનું મેળામાં રુપાંતર કરવું
એ છે મારો જીવનધર્મ,
મારું જીવનકર્મ.
મેળામાં માણસ હળતો હોય છે
મળતો હોય છે
સમયને સોહામણો કરતો હોય છે.
હું છે નો માણસ છું.
નથી નથી પર છેકો મૂકું.
કોઈક ઈમારત પડતી હોય
તો ટેકો મૂકું.
માનવની પાછળ માધવ છે
ને રાઘવ છે.
મારી પાસે વાંસળી છે
ને શિવધનુષ્ય.
ઈશ્વર ને શયતાનની વચ્ચે
હું તો મારે રહું મનુષ્ય.
મનુષ્ય થવું એ જ મોટી વાત.
પૃથ્વીમાં હું જોઉ સ્વર્ગને.
મારી એ જ મિરાત.
ટોળાને ટળવા દો.
મેળામાં મળવા દો.
સમી સાંજની વેળા / નરેન્દ્ર મોદી
સમી સાંજની વેળા:
આપણે રમતારામ અકેલા
ઝાંખાપાંખા સ્મરણના દીવા નીકળ્યા
અંધારાને પીવા
નીંદરની ચાદર ઓઢીને સૂતાં રહ્યા
શરીર વીર તમે ઉઠો જાગો કે
ઝળકી રહે ખમીર