Dear readers, here we are offering Sri Suktam PDF in Bengali (শ্রী সুক্ত পাঠ pdf) to all of you. Sri Suktam is one of the most important and effective hymns that is dedicated to the Goddess Lakshmi Ji. Goddess Lakshmi Ji is considered as the Goddess of Money, Wealth and prosperity.
Related Articles
As per the various Hindu scriptures Sri Suktam is highly effective and result oriented because the one who face financial instability in life can get ultimate blessings of Goddess Lakshmi and can get rid of all kind of financial obstacles with grace of the Goddess.
শ্রী সুক্ত পাঠ pdf | Sri Suktam PDF in Bengali
শ্রীসূক্ত (ঋগ্বেদ)
ওঁ ॥ হিরণ্যবর্ণাং হরিণীং সুবর্ণরজতস্রজাম্ ।
চন্দ্রাং হিরণ্ময়ীং লক্ষ্মীং জাতবেদো ম আবহ ॥ ১॥
তাং ম আবহ জাতবেদো লক্ষ্মীমনপগামিনীম্ ।
যস্যাং হিরণ্যং বিন্দেয়ং গামশ্বং পুরুষানহম্ ॥ ২॥
অশ্বপূর্বাং রথমধ্যাং হস্তিনাদপ্রবোধিনীম্ ।
শ্রিয়ং দেবীমুপহ্বয়ে শ্রীর্মাদেবীর্জুষতাম্ ॥ ৩॥
কাং সোস্মিতাং হিরণ্যপ্রাকারামার্দ্রাং জ্বলন্তীং তৃপ্তাং তর্পয়ন্তীম্ ।
পদ্মে স্থিতাং পদ্মবর্ণাং তামিহোপহ্বয়ে শ্রিয়ম্ ॥ ৪॥
চন্দ্রাং প্রভাসাং যশসা জ্বলন্তীং শ্রিয়ং লোকে দেবজুষ্টামুদারাম্ ।
তাং পদ্মিনীমীং শরণমহং প্রপদ্যেঽলক্ষ্মীর্মে নশ্যতাং ত্বাং বৃণে ॥ ৫॥
আদিত্যবর্ণে তপসোঽধিজাতো বনস্পতিস্তব বৃক্ষোঽথ বিল্বঃ ।
তস্য ফলানি তপসা নুদন্তু মায়ান্তরায়াশ্চ বাহ্যা অলক্ষ্মীঃ ॥ ৬॥
উপৈতু মাং দেবসখঃ কীর্তিশ্চ মণিনা সহ ।
প্রাদুর্ভূতোঽস্মি রাষ্ট্রেঽস্মিন্ কীর্তিমৃদ্ধিং দদাতু মে ॥ ৭॥
ক্ষুৎপিপাসামলাং জ্যেষ্ঠামলক্ষ্মীং নাশয়াম্যহম্ ।
অভূতিমসমৃদ্ধিং চ সর্বাং নির্ণুদ মে গৃহাৎ ॥ ৮॥
গন্ধদ্বারাং দুরাধর্ষাং নিত্যপুষ্টাং করীষিণীম্ ।
ঈশ্বরীꣳ সর্বভূতানাং তামিহোপহ্বয়ে শ্রিয়ম্ ॥ ৯॥
মনসঃ কামমাকূতিং বাচঃ সত্যমশীমহি ।
পশূনাং রূপমন্নস্য ময়ি শ্রীঃ শ্রয়তাং যশঃ ॥ ১০॥
কর্দমেন প্রজাভূতা ময়ি সম্ভব কর্দম ।
শ্রিয়ং বাসয় মে কুলে মাতরং পদ্মমালিনীম্ ॥ ১১॥
আপঃ সৃজন্তু স্নিগ্ধানি চিক্লীত বস মে গৃহে ।
নি চ দেবীং মাতরং শ্রিয়ং বাসয় মে কুলে ॥ ১২॥
আর্দ্রাং পুষ্করিণীং পুষ্টিং পিঙ্গলাং পদ্মমালিনীম্ ।
চন্দ্রাং হিরণ্ময়ীং লক্ষ্মীং জাতবেদো ম আবহ ॥ ১৩॥
আর্দ্রাং যঃ করিণীং যষ্টিং সুবর্ণাং হেমমালিনীম্ ।
সূর্যাং হিরণ্ময়ীং লক্ষ্মীং জাতবেদো ম আবহ ॥ ১৪॥
তাং ম আবহ জাতবেদো লক্ষ্মীমনপগামিনীম্ ।
যস্যাং হিরণ্যং প্রভূতং গাবো দাস্যোঽশ্বান্বিন্দেয়ং পুরুষানহম্ ॥ ১৫॥
যঃ শুচিঃ প্রয়তো ভূত্বা জুহুয়াদাজ্য মন্বহম্ ।
শ্রিয়ঃ পঞ্চদশর্চং চ শ্রীকামঃ সততং জপেৎ ॥ ১৬॥
ফলশ্রুতি
পদ্মাননে পদ্ম ঊরূ পদ্মাক্ষী পদ্মসম্ভবে ।
ত্বং মাং ভজস্ব পদ্মাক্ষী যেন সৌখ্যং লভাম্যহম্ ॥
অশ্বদায়ী গোদায়ী ধনদায়ী মহাধনে ।
ধনং মে জুষতাং দেবি সর্বকামাংশ্চ দেহি মে ॥
পুত্রপৌত্র ধনং ধান্যং হস্ত্যশ্বাদিগবে রথম্ ।
প্রজানাং ভবসি মাতা আয়ুষ্মন্তং করোতু মাম্ ॥
ধনমগ্নির্ধনং বায়ুর্ধনং সূর্যো ধনং বসুঃ ।
ধনমিন্দ্রো বৃহস্পতির্বরুণং ধনমশ্নু তে ॥
বৈনতেয় সোমং পিব সোমং পিবতু বৃত্রহা ।
সোমং ধনস্য সোমিনো মহ্যং দদাতু সোমিনঃ ॥
ন ক্রোধো ন চ মাৎসর্যং ন লোভো নাশুভা মতিঃ ॥
ভবন্তি কৃতপুণ্যানাং ভক্তানাং শ্রীসূক্তং জপেৎসদা ॥
বর্ষন্তু তে বিভাবরি দিবো অভ্রস্য বিদ্যুতঃ ।
রোহন্তু সর্ববীজান্যব ব্রহ্ম দ্বিষো জহি ॥
পদ্মপ্রিয়ে পদ্মিনি পদ্মহস্তে পদ্মালয়ে পদ্মদলায়তাক্ষি ।
বিশ্বপ্রিয়ে বিষ্ণু মনোঽনুকূলে ত্বৎপাদপদ্মং ময়ি সন্নিধৎস্ব ॥
যা সা পদ্মাসনস্থা বিপুলকটিতটী পদ্মপত্রায়তাক্ষী ।
গম্ভীরা বর্তনাভিঃ স্তনভর নমিতা শুভ্র বস্ত্রোত্তরীয়া ।
লক্ষ্মীর্দিব্যৈর্গজেন্দ্রৈর্মণিগণ খচিতৈস্স্নাপিতা হেমকুম্ভৈঃ ।
নিত্যং সা পদ্মহস্তা মম বসতু গৃহে সর্বমাঙ্গল্যযুক্তা ॥
লক্ষ্মীং ক্ষীরসমুদ্র রাজতনয়াং শ্রীরঙ্গধামেশ্বরীম্ ।
দাসীভূতসমস্ত দেব বনিতাং লোকৈক দীপাঙ্কুরাম্ ।
শ্রীমন্মন্দকটাক্ষলব্ধ বিভব ব্রহ্মেন্দ্রগঙ্গাধরাম্ ।
ত্বাং ত্রৈলোক্য কুটুম্বিনীং সরসিজাং বন্দে মুকুন্দপ্রিয়াম্ ॥
সিদ্ধলক্ষ্মীর্মোক্ষলক্ষ্মীর্জয়লক্ষ্মীস্সরস্বতী ।
শ্রীলক্ষ্মীর্বরলক্ষ্মীশ্চ প্রসন্না মম সর্বদা ॥
বরাঙ্কুশৌ পাশমভীতিমুদ্রাং করৈর্বহন্তীং কমলাসনস্থাম্ ।
বালার্ক কোটি প্রতিভাং ত্রিণেত্রাং ভজেহমাদ্যাং জগদীশ্বরীং তাম্ ॥
সর্বমঙ্গলমাঙ্গল্যে শিবে সর্বার্থ সাধিকে ।
শরণ্যে ত্র্যম্বকে দেবি নারায়ণি নমোঽস্তু তে ॥
সরসিজনিলয়ে সরোজহস্তে ধবলতরাংশুক গন্ধমাল্যশোভে ।
ভগবতি হরিবল্লভে মনোজ্ঞে ত্রিভুবনভূতিকরিপ্রসীদ মহ্যম্ ॥
বিষ্ণুপত্নীং ক্ষমাং দেবীং মাধবীং মাধবপ্রিয়াম্ ।
বিষ্ণোঃ প্রিয়সখীংম্ দেবীং নমাম্যচ্যুতবল্লভাম্ ॥
মহালক্ষ্মী চ বিদ্মহে বিষ্ণুপত্নী চ ধীমহী ।
তন্নো লক্ষ্মীঃ প্রচোদয়াৎ ॥
(আনন্দঃ কর্দমঃ শ্রীদশ্চিক্লীত ইতি বিশ্রুতাঃ ।
ঋষয়ঃ শ্রিয়ঃ পুত্রাশ্চ শ্রীর্দেবীর্দেবতা মতাঃ (স্বয়ম্
শ্রীরেব দেবতা ॥ ) variation)
(চন্দ্রভাং লক্ষ্মীমীশানাম্ সূর্যভাং শ্রিয়মীশ্বরীম্ ।
চন্দ্র সূর্যগ্নি সর্বাভাম্ শ্রীমহালক্ষ্মীমুপাস্মহে ॥ variation)
শ্রীবর্চস্যমায়ুষ্যমারোগ্যমাবিধাৎ পবমানং মহীয়তে ।
ধনং ধান্যং পশুং বহুপুত্রলাভং শতসম্বৎসরং দীর্ঘমায়ুঃ ॥
ঋণরোগাদিদারিদ্র্যপাপক্ষুদপমৃত্যবঃ ।
ভয়শোকমনস্তাপা নশ্যন্তু মম সর্বদা ॥
শ্রিয়ে জাত শ্রিয় আনির্যায় শ্রিয়ং বয়ো জনিতৃভ্যো দধাতু ।
শ্রিয়ং বসানা অমৃতত্বমায়ন্ ভজন্তি সদ্যঃ সবিতা বিদধ্যূন্ ॥
শ্রিয় এবৈনং তচ্ছ্রিয়ামাদধাতি । সন্ততমৃচা বষট্কৃত্যং
সন্ধত্তং সন্ধীয়তে প্রজয়া পশুভিঃ । য এবং বেদ ।
ওঁ মহাদেব্যৈ চ বিদ্মহে বিষ্ণুপত্নী চ ধীমহি ।
তন্নো লক্ষ্মীঃ প্রচোদয়াৎ ॥
॥ ওঁ শান্তিঃ শান্তিঃ শান্তিঃ ॥
You can download Sri Suktam PDF in Bengali by clicking on the following download button.
