E përditshmja franceze L’Equipe publikon rrogat e futbollistëve të kampionatit francez dhe  Neymar është padyshim futbollisti më i paguar.

Ai merr me 3 milionë e 67 mijë euro bruto në muaj.

PSG ka pjesën e ‘luanit’ në listën e pagave, ku në 13 të parët, përveç Radamel Falco të Monaco, të gjithë të tjerët janë pjesë e skuadrës pariziene.

Taksimi mbi pagën në Francë është 44.05%, që do të thotë nga 3 milionë e 67 mijë euro në muaj, Neymar merr në dorë 1 milionë e 715 mijë euro në muaj.

20.5 milionë neto në vit dhe rreth 36 milionë bruto. Dhe duke i bërë një ndarje kohore braziliani përfiton 57 mijë euro në ditë ose 2383 euro në orë, ose 40 euro në minutë.

Dhe duke zbritur në listën e pagesave në radhë pas Neymar janë shokët e skuadrës Cavani e Mbappe. Ata përfitojnë përkatësisht 1.5 euro milionë euro bruto në muaj (18 milionë në vit).

Media franceze publikon rrogat e futbollisteve të Parisit.

Por në listën e pagesave të kampionatit francez ka skuadra me buxhete si ai Amiens, që lufton për qëndrimin në Ligën e parë. Buxheti i së cilës është pothuaj sa paga vjetore neto e Neymar.

Lojtari më i paguar i kësaj skuadre është Konate me 40 mijë euro në muaj, ndërsa në listë gjen edhe futbollistë edhe me 2800 euro në muaj.

www.lajm-shqip.com

06.02.2018

The post Media franceze publikon rrogat e futbollistëve, Neymar paguhet appeared first on Lajm-shqip.com.