السلام عليكم...كيف حالكم يالمزاعيط ان شاء الله كلكم بخير يارب...عالعموم رجعت من المغرب قبل اسبوعين...وجاني عرض مغري تذكرة مجاناً وقررت اطلع مرة ثانية وتوي واصل امس وبالمختصر المفيد كانت الرحلة على الملكية المغربية واول مرة اسافر عليها...وكانت اسواء رحلة بحياتي الطيارة مافيها اي وسائل ترفيه لا شاشات ولا افياش ولاشي والطائرة صغيرة جداً والكراسي ضيقة وممنوع تستعمل الجوال حتى بوضع الطيران غير المطبات الجوية اللي ماتخلص اول مرة اركب طيارة كل الرحلة تهز بشكل يشلع القلب وغير تعامل المضيفين الله يهداهم معنا مادري ليه يحسسونك انك راكب على حسابهم بعكس تعاملهم مع المغاربة!!!!! والمصيبة الكبرى الرحلة حاجزينها دايركت ووقفت بمطار وجدة تعبي بنزين يقولون البنزين خلص وهي اصلاً مقلعة من مطار جدة متأخرة بحجة ان الطائرة جاية من الرياض وتتزود بالوقود....عموماً مالكم بالطويلة وصلت المطار واخذت القطار لطنجة والقطار جا متأخر بساعة وكل شوي يوقف يعني رحلة زفت في الطيارة والقطار...وبالنسبة لطنجة كل شي فيها مزياااان ماغير الشحاتين اللي ينشبون لك قدام الكورنيش والمطاعم وصار لي يومين والى الأن الأمور طيبة...وبوافيكم بالمستجدات بخصوص بقية الأمور والاوضاع في مراكش وخاصة اني راح اجازف المرة ذي واسكن في فلة خاصة او شقة وخلنا نشوف الأمور لأن ملينا من ارتفاع الاسعار الزايدة والابتزاز بحجة الأمان اصبحنا لقمة سهلة للجميع!!! دمتم بود

تعديل:
ونسيت اذكر نقطة لاحظتها الاوضاع بمطار كازا كلها صارت تمام ماحد يطلب اكرامية وتعامل راقي وغير التفتيش ماحد كلمنا جايبين دخان ومعسل ومواد غذائية وماحد قال حتى فك الشنطة وشاف معي شنطة على الظهر قالي تفضل سير لاتمررها على السير وممنوع دخول اي احد للمطار اذا ماعنده رحلة ارتحنا من اللي يعرضون خدمات خاصة بس لو يفكونا من الغثا تبع مكاتب تأجير السيارات لكن اذا كرشتهم يروحون ماينشبون لك زي قبل!!!