வாட்ஸ்அப்பில் உள்ள மைகோவ் கொரோனா ஹெல்ப் டெஸ்க்கை (MyGov Corona Helpdesk) இப்போது அருகாமையில் உள்ள தடுப்பூசி மையத்தைக் கண்டுபிடிக்கவும் பயன்படுத்தலாம்.
இதுபற்றிய ஒரு பதிவில் MyGov Corona Helpdesk அதன் ட்விட்டர் அக்கவுண்ட் வழியாக, ஒருவர் வாட்ஸ்அப்பில் 9013151515 என்ற எண்ணில் ‘Namaste’ என்று டைப் செய்ய வேண்டும்.
அதனை தொடர்ந்து chatbot ஒரு தானியங்கு பதிலை உருவாக்கும். பின்னர் ஒருவர் தனக்கு அருகிலுள்ள கோவிட் தடுப்பூசி மையத்தைக் கண்டுபிடிக்க, அவரின் ஆறு இலக்க PIN குறியீட்டை டைப் செய்ய வேண்டும்.
அதன் பின்னர் அருகாமையில் இருக்கும் தடுப்பூசி மையங்களின் பட்டியலுடன், MyGovIndia chat bot ஆனது Cowin வலைத்தளத்தின் மூலம் கோவிட் -19 தடுப்பூசி பதிவுக்கான இணைப்பையும் வழங்கும்.
மே 1 முதல், நாட்டில் உள்ள 18 வயதுக்கு மேற்பட்ட அனைவரும் தடுப்பூசி போடலாம். கொரோனா வைரஸ் தடுப்பூசிக்கான முன்பதிவுகளை கோவின் வலைத்தளம், ஆரோக்யா சேது ஆப் மற்றும் உமாங் ஆப்பில் உள்ள கோவிட்-சேவை போர்டல் மூலம் நிகழ்த்தலாம்.
குறிப்பிட்ட வாட்ஸ்அப் நம்பரில் கீழ் இயங்கும் ஹெல்ப் டெஸ்க் ஆனது இந்தி மற்றும் ஆங்கில மொழி இரண்டையும் ஆதரிக்கிறது. இயல்புநிலை மொழி ஆங்கிலம் என்றாலும், ஒருவர் ‘இந்தி’ அல்லது हिंदी என்று மெசேஜ் அனுப்புவதன் மூலம் மொழியை இந்திக்கு மாற்றலாம்.
மைகோவ் கொரோனா ஹெல்பெட்க் சாட்போட் மூலம் உங்கள் அருகிலுள்ள தடுப்பூசி மையத்தை கண்டுபிடிக்க உதவும் 9013151515 என்கிற வாட்ஸ்அப் எண்ணை அணுக நீங்கள் https://wa.me/919013151515?text=Hi ஐயும் பார்வையிடலாம் என்று பரிந்துரைக்கும் மைகோவிந்தியாவின் அதிகாரப்பூர்வ ட்விட்டர் அக்கவுண்ட் ஆனது “தயாராக இருங்கள், பீதி அடைய வேண்டாம்! ” என்று எழுதியுள்ளது
நினைவூட்டும் வண்ணம், இந்திய அரசு கடந்த மார்ச் 2020-இல் கொரோனா வைரஸிற்க்கான வாட்ஸ்அப் சாட்போட்டை அறிமுகப்படுத்தியது. இது கொரோனா வைரஸ் தொடர்பான கேள்விகளுக்கு பயனர்களுடன் நிகழ்நேரத்தில் உரையாற்றும். இது அனைத்து Whatsapp பயனர்களுக்கும் இலவசமாக கிடைக்கிறது.
The post பக்கத்துல தடுப்பூசி எங்க போடுறாங்க? இந்த நம்பருக்கு WhatsApp பண்ணா போதும்! appeared first on Tamiltech.