Këngëtarja Rovela Dilo ka shpërthyer në britma dhe lotë teksa përmbarimi ka shkuar në lokalin në zonën e ish-Bllokut, me qëllim sekuestrimin.

Këngëtarja i ka bërë thirrje policisë ta mbrojë nga përmbaruesit, por në fakt asgjë nuk e ka ndalur marrjen e pronës së saj, siç ka vendosur gjykata. Pavarësisht thirrjeve të Rovena Dilos në adresë të Tom Doshit dhe Çim Babasit, përmbaruesit kanë hyrë brenda për të boshatisur ambjentet. Dilo ka drejtuar akuza dhe në adresë të ministrit të Brendshëm Saimir Tahiri. “Tahiri ka vënë policët të më rrëmbejnë pronën”, thotë ajo duke bërtitur.
Siç ka pretenduar më parë këngëtarja lokali i përket të gjithë vëllezërve dhe motrave të familjes Vreto dhe jo vetëm dajës së saj, që ka fituar gjyqin.