Get Even More Visitors To Your Blog, Upgrade To A Business Listing >>

Vrasja në Sarandë për 10 mijë lekë, gjendet makina e vrasësit

Policia e qarkut të Vlorës ka bërë të ditur rrethanat sesi u vra nga një grabitës, 43-vjeçari Pajtim Shehu në fshatin Shkallë të Sarandës. Sipas saj:

“Më datë 13.02.2016 në Sallën Operative të Komisariatit të Policisë Sarandë, rreth ores 03:00 është marrë njoftimi se në fshatin Shkallë është vrarë me armë zjarri një person.

Menjëherë në vendngjarje kanë mbërritur forcat policore, ku nga hetimet paraprake ka rezultuar se një person i paidentifikuar ka shkuar për të vjedhur në lokalin e shtetasit A. B. në dalje të fshatit Shkallë.

Pronari i lokalit që ka edhe banesen ngjitur me lokalin ka dëgjuar se dikush ka hyrë në lokalin e tij dhe ka njoftuar një bashkëfshatarin e tij për ndihmë, shtetasin P.Sh.

Gjatë momentit që bashkëfshatari po shkonte për ndihmë, personi i paidentifikuar ka qenë duke u larguar nga lokali nga ku kishte marrë rreth 10,000 lekë të rinj (monedha) dhe në anën e pasme të lokalit ka qëlluar me armë zjarri shtetasin: P.Sh. 44 vjeç, i cili ka mbetur i vdekur.

Autori i ngjarjes është larguar menjëhere pas kryerjes së krimit. Është ngritur një grup i posaçëm hetimor si dhe janë ngritur postoblloqe për kapjen e autorit.

Deri më tani, Policia ka shoqëruar 19 persona si të dyshuarit kryesorë në atë zonë si dhe ka bllokuar një automjet i cili mendohet se mund të ketë lidhje me autorin dhe ngjarjen.

Strukturat e Policisë, specialiste kriminalistikë dhe të krimeve të rënda të Policisë Vlorë, janë duke punuar për dokumentimin e ngjarjes dhe kapjen e autorit”.



This post first appeared on Lajmi Fundit Nga Shqiperia| Lajme Nga Futbolli| Lajmet Shqip Nga Kosova, please read the originial post: here

Share the post

Vrasja në Sarandë për 10 mijë lekë, gjendet makina e vrasësit

×

Subscribe to Lajmi Fundit Nga Shqiperia| Lajme Nga Futbolli| Lajmet Shqip Nga Kosova

Get updates delivered right to your inbox!

Thank you for your subscription

×