من فترة وانا ادور شركات لغسيل السيارات في المنزل وكنت اركز على امور مهمة بالنسبة لي اللي هي التنظيف من الداخل والبوليش بالنسبة لي اهم من غسيل السيارة من برا لان سيارتي من داخل كانت تعاني من بقع وغيرها مثل اي سيارة يركبونها الصغار واخيرا اخترت شركة @lm3ny وبعد الاتصال عليهم اخذ منهم موعد في تمام الساعة 4 العصر وتم غسيل السيارة ولله الحمد ولكن مثل اي شركة لازم الشخص يكون متواجد ويتأكد من السيارة لان ممكن تفوت عليهم بعض الاماكن اللي تكون مو واضحة عدل و راح اذكر بشكل سريع الايجابيات والسلبيات وبعدها راح اعرض الصور قبل الغسيل وبعد الغسيل بالمناسبة كنت طالب منهم غسيل VIP.
بالنسبة للايجابيات :
- الدقة لبعض التفاصيل الموجودة في السيارة سواء داخل السيارة او على البدي
- الاحترافية بعض الشيء في العمل
- احتواء السيارة على الامور الضرورية اللي يحتاجونها حتى خزان الماي موجود
- الالتزام بعض الشيء بالموعد المحدد اللي يتم الاتفاق عليه عند الوصول
- الاستماع لاي ملاحظات من طرف الزبون بدون اي تأفف او حساسية والسرعة بتعديل الملاحظات الموجودة
بالنسبة للسلبيات :
- عدم اعلام الزبون اذا كانت في اي بقع ماراح تنظف قبل لا يشتغلون
- الادوات وبالاخص مضخه الماي اعتقد انها صغيره وما تؤدي عملها بالشكل المطلوب وما تضخ ماي بشكل قوي
- وجود بعض الموظفين اللي يعتبرون جدد في هالعمل وماعندهم الخبره الكافية باستعمال هالمنظفات والادوات
- نسيان بعض البقع اللي ممكن تكون ما تنظف من الاساس او عن طريق الخطأ
اتمنى ما اكون نسيت شي وذكرت الامور الضرورية من سلبيات وايجابيات والحين دور الصور
قبل الغسيل :
صور بعد الغسيل :
Related Articles
This post first appeared on مدونة Q8OK | سياسية تقنية رياض, please read the originial post: here
