Get Even More Visitors To Your Blog, Upgrade To A Business Listing >>

ఎందరినో వల వేసి పట్టినోడు, అమ్మాయి వలలో పడి జైలు పాలయ్యాడు!





                                                 తెహెల్కా! దీని పేరు చెపితే తప్పులు చేసే వారికి కొంచం గుండె గుబేలు మంటుంది! పెద్ద పెద్ద వారిని తన స్టింగ్ ఆపరేషన్ ల ద్వారా పరేషాన్ చేసిన ఘనత ఈ  మాగజైన్ కు ఉంది. మొట్టమొదటగా 2000 సంవత్సరం లో క్రికెట్ మాచ్ పిక్సింగ్ కుంభ కోణం ని తన స్టింగ్ ఆపరేషన్ ద్వారా బయట పెట్టి సెన్సేషనల్ అన్న తన ఉనికిని బహిర్గత పరచింది. అలాగే రక్షణ ఆయుదాల కుంభకోణం కేసులో నిర్వహించిన స్టింగ్ ఆపరేషన్ తో ఏకంగా రెండు జాతీయ పార్తీల నాయకులే రాజీనామాలు చెయ్యాల్సి వచ్చింది. అందులో మన తెలుగు వారైన B.J.P.బంగారు  లక్ష్మన్ గారు ఒకరు. ఇలా ఏది చేసినా ఒక సెన్సేషనల్ గా చేస్తూ , రాజకీయ నాయకులే కాక ఇతర వర్గాల వారి గుండెల్లో కూ డా రైళ్ళు పరిగెత్తించ గలిగింది. తెహెల్కా అంటే తెలుగులో సంచలనం అని అర్దం. దీని వ్యవస్తా పకులులో ఒకరైన "తరుణ్ తేజ్ పాల్" దీనికి ప్రదాన సంపాదకులు కూడా . ప్రముఖ పెమినిస్ట్ షోమా చౌదరి మేనిజింగ్ ఎడిటర్. వీరి పత్రిక పాపులర్ అయ్యాక చాలా మంది నుంచి వీరు డొనేషన్ల రూపం లో డబ్బులు వసూలు చేసినట్లు వీరి మీద ఆరోపణలు ఉన్నాయి .

     అయితే అదంతా ఒక ఎత్తు. తెహెల్కా నిర్మాత తరుణ్ తేజ్ పాల్ ఉదంతం ఒక ఎత్తు. ఎందరికో తన స్టింగ్ ఆపరేషన్ ల ద్వారా నిద్ర పట్టకుండా చేసిన అయన , ఎవరూ స్టింగ్ ఆపరేషన్ చెయ్యకుండానే తన అతి తెలివిక్ తానే డంగై పోయాడు. గురివింద తన క్రింద ఉన్న నలుపు ఎరుగదు అన్నట్లు, ఇంతమంది తప్పులేన్నిన తేజ్పాల్ కు ఒక దుర్బుద్ధి ఉంది అనేది వారం క్రితం వరకు ఎవరకూ తెలియదు. ప్రపంచ స్తాయిలో అత్యంత ప్రబావ శీలురిలో ఒకడిగా పేరు గాంచిన తేజ్ పాల్ కు అమ్మాయిలను చూస్తె అతనిలోని "మగబుద్ది " ఆగి చావదట! అందుకే తన స్నేహితుడు కూతురు అనే ఇంగిత జ్ఞానం కూడా  లేకుండా, గోవాలో ఒక హోటల్ లిప్ట్ లో అ అమ్మాయిని తాక రాని ప్రాంతాల్లో తాకి అసబ్యంగా  ప్రవర్తించాడట  ! దీనికి నివ్వెర పోయిన అ అమ్మాయి వెంటనే తమ పత్రిక మేనేజింగ్ ఎడిటర్ కి సెల్ మెసేజ్ ద్వారా విషయం అంతా తెల్పితే ,తెహెల్కా ఉద్యోగులు అంతా స్తన్నై  పోయారట!

   అ తర్వాత అందరికి విషయం తెలిసి పోయిందని గ్రహించిన "తేజ్ పాల్"  తన స్టింగ్ ఆపరేషన్ తెలివితేటలూ అ అమ్మాయి మీదా ప్రయోగించ బోయాడు. తెలివిగా ఒక ప్రైవేట్ మెస్సేజ్ లో తాము ఇద్దరం మద్యం  మత్తులో ఉండటం వలన, సరస సంబాషనలకు దిగి, ఆ తర్వాత తానేమి చేస్తున్నానో తెలియని స్తితిలో అలా చేసాను అని కాబట్టి తనను క్షమించమని చెప్పటమే కాక, 6 నెలలు పత్రికా ఎడిటర్ పదవికి దూరంగా ఉంటాను  అని స్వచ్చంద శిక్ష విదించుకున్నాడు. దానికి గ్రేట్ పెమినిస్ట్ షోమా చౌదరి కూడా  వంత పాడింది . కానీ ఆ లేడి జర్నలిస్ట్ అతని మెసేజ్ సారాంశాన్ని ఖండిస్తో , తామేమి తాగిన స్తితిలో లేమని, ఆతను కావాలనే తనను లైంగిక వేదింపులకు గురిచేసాడని తిరుగు మెసేజ్ పెట్టింది. ఈ  లోపు ఈ  నోటా ఆ నోటా  పాకిన  విషయం జాతీయ మీడీయాలో ప్రచార మయ్యేసరికి గోవా ప్రభుత్వం సుమోటొ గా కేసు విచారణ చేపట్టింది.

     తెలివిగల కుందేలు తెలివి తక్కువ వాడి వలలో పడిందని సామెత! నిజంగా తేజ్ పాల్ మెదలకుండా ఉన్నట్లైతే అతనికి కనీసం  ముందస్తు బెయిల్ దొరికేది. కాని స్వయం ప్రకటిత క్షమాపణ, శిక్షలు అతని చర్యలను బలపరచే రుజువులుగా   మారాయి. గోవా సెషన్స్ కోర్టు అతనిని  దోషి అని ప్రాదమికంగా నిర్దారించడానికి , అతని తెలివితక్కువ పనులే తోడ్పడ్డాయి. సెషన్ కోర్టే  అతనిని దోషి అందంటే ఇక అతనికి దాదాపు శిక్ష ఖాయమనే బావించవచ్చు, ఏవైనా అద్బుతాలు జరిగితే తప్పా! ఇలా తెలివి గల తేజ్ పాల్ అమ్మాయిని గెలికి అష్ట కష్టాల పాలయ్యాడు. ప్రపంచవ్యాప్తంగా పేరు పొందిన వాడు , ఈ  దేశ మ్రుగాళ్ళలో ఒకడిగా కటకటాల పాలు గావడం దేవుని లీల గాక మరేమిటి? దేవుని లేల ఎందుకు అంటున్నాను అంటే , తన చర్యల ద్వారే తానూ తప్పించుకోలేని పరిస్తితులు కలుగ చేసినందుకు! వేట గాడు ఎప్పటికైనా వేటలోనే చనిపోతాడు అంటరు. అలాగే అమ్మాయి వేటలోనే తేజ పాల్ బుక్కవడం విశేషమే మరి!
                                                      (2/12/2013 Post Republished).


This post first appeared on మనవు, please read the originial post: here

Share the post

ఎందరినో వల వేసి పట్టినోడు, అమ్మాయి వలలో పడి జైలు పాలయ్యాడు!

×

Subscribe to మనవు

Get updates delivered right to your inbox!

Thank you for your subscription

×