Американскиот телекомуникациски гигант „Verizon Communications“ објави продажба на медиумскиот бизнис, вклучително и брендовите Yahoo и AOL за пет милијарди долари, што сигнализира излез од скапата и неуспешна трка во светот на медиумите и рекламирањето.

„Verizon“ потроши милијарди долари со децении за да купи стабилни интернет брендови, но не успеа да се наметне во силна конкуренција на пазарот за рекламирање преку Интернет во кој доминираат Facebook и Google, забележува Ројтерс.

Затоа тие ги насочија своите ресурси кон развој на нова генерација 5G мобилни мрежи.

Откако го отпиша медиумскиот бизнис вреден 4,6 милијарди американски долари во 2018 година, „Verizon“ ќе го продаде на инвестициската компанија Apollo Global за само 4,25 милијарди долари во готово, претпочитани акции во вредност од 750 милиони долари и ќе задржи 10% од уделот.

Во 2017 година ги купи Yahoo и AOL за околу девет милијарди долари.

„Verizon“ со години продава делови од бизнисот, вклучително и в во 2019 година и информативниот портал HuffPost во 2020 година.

Тие започнаа со продажба на медиумски компании откако Ханс Вестбер го презеде кормилото, напуштајќи ја визијата за создавање медиумски и телекомуникациски гигант следен од неговиот претходник Лоуел Мекадам.

Вестбер се сврте кон изградба на телекомуникациска мрежа, потроши 52,9 милијарди долари на радио концесии на почетокот на оваа година.

Според порталот, портфолиото на „Verizon“ вклучува брендови TechCrunch, Makers and Ryot и Flurry, а приходите се зголемени за 10,4 проценти во првиот квартал од оваа година, на 1,9 милијарди долари, според Ројтерс.

The post „Verizon“ ги продава Yahoo и AOL за 5 МИЛИЈАРДИ ДОЛАРИ appeared first on Стандард.