مطبخ ام وليد - الموقع الاول للطبخ في الجزائر
مطبخ ام وليد _ سندويتشات بعجينة سائلة ، خفيفة و سريعة و استبن الماكلة البنينة 😋😍.👌.
| مطبخ ام وليد _ سندويتشات بعجينة سائلة ، خفيفة و سريعة و استبن الماكلة البنينة 😋😍. |
سلام عليكم متابعي مطبخ ام و ليد ، للطبخ في الجزائر
أقدم لكم اليوم في قسم معجنات و مخبوزات : سندويتشات بعجينة سائلة ، خفيفة و سريعة و استبن الماكلة البنينة
:المقادير
العجينة السائلة : 2 حبات بيض،1 كاس حليب، 1 كاس فرينة، 1ملعقة صغيرة خميرة كيماوية،ملح ،فلفل اسود؛
الحشو: بصلة صغيرة مقطعة رقيق، لحم مفروم، ملح ، فلفل اسود، كرام فراش، بطاطا، جبن سندويش مربعات، جبن مبشور؛
التحضير:
العجينة السائلة: في اناء نضع البيض و نضيف له الفلفل الاسود، الحليب و نخلطهم مع بعض ثم نضيف الفرينة، الخميرة الكيماوية، الملح و نخلط بالخلاط اليدوي جيدا حتى يصبح الخليط متجانس؛
نغطيه بكيس بلاستيكي و نتركه يرتاح على الاقل لمدة 15 دقيقة ، يمكن تركه في الثلاجة ليلة كاملة؛
الحشو: اولا ناخذ البطاطا نقشرها ونقطعها ثم نقليها ونتركها على جنب؛
في مقلاة نضع الزيت و نضيف له بصلة صغيرة مقطعة رقيق و نتركها حتى تتقلى و نضيف لها اللحم المفروم ، ملح ، فلفل اسود و نتركه حتى يطيب و نضيف له الكرام فراش و نخلط و اول ما تغلى نطفىء؛
ناخذ مقلاة ندهنها بالزبدة و نسكب فيها كمية من العجينة السائلة و نمشيها على الوجه كامل؛
و لما تطيب نقلبها على الوجه الثاني و نضع في نصف الدائرة جبن سندويش مربعات، كمية من اللحم المفروم، كمية من البطاطا المقلية والجبن المبشور؛
نغلق عليها بالنصف الثاني من الدائرة و نتركها تتحمر ثم ندهن السطح بالزبدة و نقلبها حتى تتحمر من الجهة الثانية؛
و ننزعها و نقدمها و هي ساخنة؛
بالصحة و الهنا
