Modi government big announcement: ਕੇਂਦਰ ਸਰਕਾਰ ਨੇ ‘ਪ੍ਰਧਾਨ ਮੰਤਰੀ ਗਰੀਬ ਕਲਿਆਣ ਯੋਜਨਾ’ ਤਹਿਤ ਲਾਭਪਾਤਰੀਆਂ ਲਈ ਵੱਡਾ ਐਲਾਨ ਕੀਤਾ ਹੈ । ਦਰਅਸਲ, ਮੋਦੀ ਸਰਕਾਰ ਨੇ ਉਜਵਲਾ ਯੋਜਨਾ ਦੇ ਲਾਭਪਾਤਰੀਆਂ ਲਈ ਤਿੰਨ ਮਹੀਨੇ ਦੀ ਮੁਫਤ ਗੈਸ ਰੀਫਿਲ ਦੀ ਘੋਸ਼ਣਾ ਕੀਤੀ ਹੈ । ਇਹ ਯੋਜਨਾ 1 ਅਪ੍ਰੈਲ ਤੋਂ 30 ਜੂਨ ਤੱਕ ਲਾਗੂ ਰਹੇਗੀ ।

ਸਰਕਾਰੀ ਬਿਆਨ ਅਨੁਸਾਰ ਹੁਣ ਤੱਕ ਤੇਲ ਕੰਪਨੀਆਂ ਨੇ 5,606 ਕਰੋੜ ਰੁਪਏ ਉਜਵਲਾ ਯੋਜਨਾ ਦੇ ਲਾਭਪਾਤਰੀਆਂ ਦੇ ਖਾਤੇ ਵਿੱਚ ਤਬਦੀਲ ਕਰ ਦਿੱਤੇ ਹਨ । ਇਸ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਸਕੀਮ 1 ਅਪ੍ਰੈਲ ਤੋਂ 30 ਜੂਨ ਤੱਕ ਲਾਗੂ ਹੈ । ਇਸ ਦੇ ਤਹਿਤ ਕੰਪਨੀਆਂ ਲਾਭਪਾਤਰੀ ਦੇ ਖਾਤੇ ਵਿੱਚ ਇਸ ਦੇ ਪੈਕੇਜ ਦੇ ਅਨੁਸਾਰ 14.2 ਕਿਲੋਗ੍ਰਾਮ ਜਾਂ ਪੰਜ ਕਿਲੋਗ੍ਰਾਮ ਸਿਲੰਡਰ ਦੀ ਕੀਮਤ ਦੇ ਬਰਾਬਰ ਐਡਵਾਂਸ ਜਮ੍ਹਾ ਕਰਵਾ ਰਹੀਆਂ ਹਨ । ਗਾਹਕ ਇਸ ਪੈਸੇ ਨਾਲ ਸਿਲੰਡਰ ਵੀ ਭਰਵਾਉਣ ਦੇ ਯੋਗ ਹੋਣਗੇ ।

ਆਈਓਸੀਐਲ, ਬੀਪੀਸੀਐਲ ਅਤੇ ਐਚਪੀਸੀਐਲ ਵਰਗੀਆਂ ਕੰਪਨੀਆਂ ਪਹਿਲਾਂ ਹੀ ਡਿਲੀਵਰੀ ਬੁਆਏ ਸਮੇਤ ਸਪਲਾਈ ਚੇਨ ਦੇ ਵੱਖ-ਵੱਖ ਪੜਾਵਾਂ ਵਿੱਚ ਕੰਮ ਕਰ ਰਹੇ ਆਪਣੇ ਕਰਮਚਾਰੀਆਂ ਲਈ ਪੰਜ ਲੱਖ ਰੁਪਏ ਦੀ ਰਾਸ਼ੀ ਦੇਣ ਦਾ ਐਲਾਨ ਕਰ ਚੁੱਕੀਆਂ ਹਨ । ਕੋਰੋਨਾ ਦੀ ਲਾਗ ਕਾਰਨ ਕਿਸੇ ਕਰਮਚਾਰੀ ਦੀ ਮੌਤ ਹੋਣ ਦੀ ਸਥਿਤੀ ਵਿੱਚ ਇਹ ਰਕਮ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤੀ ਜਾਵੇਗੀ ।

ਦੱਸ ਦੇਈਏ ਕਿ ਇਸ ਮਾਮਲੇ ਵਿੱਚ ਕੰਪਨੀਆਂ ਦਾ ਕਹਿਣਾ ਹੈ ਕਿ ਇਸ ਮੁਸ਼ਕਿਲ ਸਮੇਂ ਵਿੱਚ ਡਿਲਿਵਰੀ ਬੁਆਏ ਸਮੇਤ ਸਾਰੇ ਯੋਧੇ ਆਪਣੇ ਕੰਮ ਵਿੱਚ ਲੱਗੇ ਹੋਏ ਹਨ । ਕੰਪਨੀਆਂ ਇਹ ਸੁਨਿਸ਼ਚਿਤ ਕਰ ਰਹੀਆਂ ਹਨ ਕਿ ਕਿਸੇ ਨੂੰ ਵੀ ਡਿਲਿਵਰੀ ਲਈ ਦੋ ਦਿਨਾਂ ਤੋਂ ਵੱਧ ਉਡੀਕ ਨਹੀਂ ਕਰਨੀ ਪਵੇਗੀ । ਲਾਕ ਡਾਊਨ ਤੋਂ ਬਾਅਦ ਦੇਸ਼ ਵਿੱਚ ਹਰ ਦਿਨ ਤਕਰੀਬਨ 60 ਲੱਖ ਸਿਲੰਡਰ ਰਿਫਿਲ ਕੀਤੇ ਜਾ ਰਹੇ ਹਨ।

The post ਮੋਦੀ ਸਰਕਾਰ ਦਾ ਵੱਡਾ ਐਲਾਨ, ਤਿੰਨ ਮਹੀਨੇ ਮੁਫ਼ਤ ਮਿਲੇਗੀ ਗੈਸ ਰੀਫਿਲ appeared first on Current Punjabi News | Latest Punjabi News Online : DailyPost.