Get Even More Visitors To Your Blog, Upgrade To A Business Listing >>

ਜਨਮਦਿਨ ਵਿਸ਼ੇਸ਼: ਸਾਹਿਰ ਲੁਧਿਆਣਵੀ ਨੇ ਫਿਲਮ ਇੰਡਸਟਰੀ ਵਿੱਚ ਗੀਤਕਾਰਾਂ ਨੂੰ ਵਾਜਿਬ ਹੱਕ ਦਿਲਵਾਇਆ

Sahir Ludhianvi birthday life: ਸਾਹਿਰ ਲੁਧਿਆਣਵੀ ਹਿੰਦੀ ਫਿਲਮਾਂ ਦੇ ਅਜਿਹੇ ਪਹਿਲੇ ਗੀਤਕਰ ਸਨ ਜਿਨ੍ਹਾਂ ਦਾ ਨਾਮ ਰੇਡਿਓ ‘ਤੇ ਪ੍ਰਸਾਰਿਤ ਫਰਮਾਇਸ਼ੀ ਗੀਤਾਂ ਵਿੱਚ ਦਿੱਤਾ ਗਿਆ ਸੀ। ਸਾਹਿਰ ਤੋਂ ਪਹਿਲਾਂ ਕਿਸੇ ਗੀਤਕਾਰ ਦਾ ਨਾਂਅ ਰੇਡਿਓ ਉਤੇ ਪ੍ਰਸਾਰਿਤ ਫਰਮਾਇਸ਼ੀ ਗੀਤਾਂ ਵਿੱਚ ਨਹੀਂ ਲਿਆ ਜਾਂਦਾ ਸੀ। ਸਾਹਿਰ ਨੇ ਇਸ ਗੱਲ ਦਾ ਕਾਫੀ ਵਿਰੋਧ ਕੀਤਾ ਜਿਸ ਤੋਂ ਬਾਅਦ ਰੇਡਿਓ ‘ਤੇ ਪ੍ਰਸਾਰਿਤ ਗੀਤਾਂ ਵਿੱਚ ਗਾਇਕ ਅਤੇ ਸੰਗੀਤਕਾਰ ਦੇ ਨਾਲ-ਨਾਲ ਗੀਤਕਾਰ ਦਾ ਨਾਮ ਵੀ ਦਿੱਤਾ ਜਾਣ ਲੱਗਿਆ। ਇਸ ਤੋਂ ਇਲਾਵਾ ਉਹ ਪਹਿਲੇ ਗੀਤਕਾਰ ਹੋਏ ਹਨ ਜਿਨ੍ਹਾਂ ਨੇ ਗੀਤਕਾਰਾਂ ਦੇ ਲਈ ਰਾਇਲਟੀ ਦਾ ਇੰਤਜ਼ਾਮ ਵੀ ਕਰਵਾਇਆ।

Sahir Ludhianvi birthday life

Sahir Ludhianvi birthday life

8 ਮਾਰਚ 1921 ਨੂੰ ਪੰਜਾਬ ਦੇ ਲੁਧਿਆਣਾ ਸ਼ਹਿਰ ਦੇ ਜਿਮੀਂਦਾਰ ਪਰਿਵਾਰ ਵਿੱਚ ਜਨਮੇ ਸਾਹਿਰ ਨੇ ਜਿੰਦਗੀ ਵਿੱਚ ਕਾਫੀ ਸੰਘਰਸ਼ ਕੀਤਾ। ਸਾਹਿਰ ਨੇ ਮੈਟ੍ਰਿਕ ਤੱਕ ਦੀ ਪੜ੍ਹਾਈ ਲੁਧਿਆਣਾ ਦੇ ਖਾਲਸਾ ਸਕੂਲ ਤੋਂ ਪੂਰੀ ਕੀਤੀ। ਇਸ ਤੋਂ ਬਾਅਦ ਉਹ ਲਾਹੌਰ ਚਲੇ ਗਏ ਜਿੱਥੇ ਉਨ੍ਹਾਂ ਨੇ ਆਪਣੇ ਅੱਗੇ ਦੀ ਪੜਾਈ ਸਰਕਾਰੀ ਕਾਲਜ ਤੋਂ ਪੂਰੀ ਕੀਤੀ।

Sahir Ludhianvi birthday life

ਕਾਲਜ ਦੇ ਪ੍ਰੋਗਰਾਮ ਵਿੱਚ ਉਹ ਆਪਣੀਆਂ ਗਜ਼ਲਾਂ ਅਤੇ ਨਜ਼ਮਾਂ ਪੜ੍ਹ ਕੇ ਸੁਣਾਇਆ ਕਰਦੇ ਸਨ ਜਿਸ ਨਾਲ ਉਨ੍ਹਾਂ ਨੂੰ ਕਾਫੀ ਸ਼ੋਹਰਤ ਮਿਲੀ। ਮੰਨੀ ਪ੍ਰਮੰਨੀ ਪੰਜਾਬੀ ਲੇਖਿਕਾ ਅੰਮ੍ਰਿਤਾ ਪ੍ਰੀਤਮ ਕਾਲਜ ਵਿੱਚ ਸਾਹਿਰ ਦੇ ਨਾਲ ਹੀ ਪੜ੍ਹਦੀ ਸੀ, ਜੋ ਉਨ੍ਹਾਂ ਦੀਆਂ ਗਜ਼ਲਾਂ ਅਤੇ ਨਜ਼ਮਾਂ ਦੀ ਮੁਰੀਦ ਸੀ ਅਤੇ ਉਨ੍ਹਾਂ ਨਾਲ ਪਿਆਰ ਕਰਨ ਲੱਗੀ ਪਰ ਕੁੱਝ ਸਮੇਂ ਤੋਂ ਬਾਅਦ ਹੀ ਸਾਹਿਰ ਨੂੰ ਕਾਲਜ ਤੋਂ ਬਾਹਰ ਕੱਢ ਦਿੱਤਾ ਗਿਆ। ਇਸਦਾ ਕਾਰਨ ਇਹ ਮੰਨਿਆ ਜਾਂਦਾ ਹੈ ਕਿ ਅਮ੍ਰਿਤਾ ਪ੍ਰੀਤਮ ਦੇ ਪਿਤਾ ਨੂੰ ਸਾਹਿਰ ਅਤੇ ਅਮ੍ਰਿਤਾ ਦੇ ਰਿਸ਼ਤੇ ਉਤੇ ਇਤਰਾਜ ਸੀ ਕਿਉਂਕਿ ਸਾਹਿਰ ਮੁਸਲਿਮ ਸਨ ਅਤੇ ਅਮ੍ਰਿਤਾ ਸਿੱਖ ਸੀ। ਇਸ ਦਾ ਇਹ ਕਾਰਨ ਵੀ ਸੀ ਕਿ ਉਨ੍ਹਾਂ ਦਿਨੀਂ ਸਾਹਿਰ ਦੀ ਮਾਲੀ ਹਾਲਾਤ ਵੀ ਠੀਕ ਨਹੀਂ ਸੀ।

ਸਾਹਿਰ ਨੇ 1943 ਵਿੱਚ ਕਾਲਜ ਤੋਂ ਕੱਢੇ ਜਾਣ ਮਗਰੋਂ ਆਪਣੀ ਪਹਿਲੀ ਉਰਦੂ ਪੱਤ੍ਰਿਕਾ ‘ਤਲਖੀਆਂ’ ਲਿਖੀ। ਲਗਭਗ ਦੋ ਸਾਲ ਦੀਆਂ ਅਣਥੱਕ ਕੋਸ਼ਿਸ਼ਾਂ ਤੋਂ ਬਾਅਦ ਆਖਿਰਕਾਰ ਉਨ੍ਹਾਂ ਦੀ ਮਿਹਨਤ ਰੰਗ ਲੈ ਕੇ ਆਈ ਅਤੇ ਤੱਲਖੀਆਂ ਦਾ ਪ੍ਰਕਾਸ਼ਨ ਹੋਇਆ। ਇਸ ਵਿੱਚ ਸਾਹਿਰ ਨੇ ਪ੍ਰੋਗ੍ਰੈਸਿਵ ਸਾਇਟਰਜ਼ ਐਸੋਸੀਏਸ਼ਨ ਦੇ ਨਾਲ ਜੁੜ ਕੇ ਅਦਾਕਬੇ ਲਤੀਫ, ਸ਼ਾਹਕਾਰ ਅਤੇ ਸਵੇਰਾ ਵਰਗੀਆਂ ਕਈ ਪ੍ਰਸਿੱਧ ਉਰਦੂ ਪੱਤ੍ਰਿਕਾਵਾਂ ਕੱਢੀਆਂ ਪਰ ਸਵੇਰਾ ਵਿੱਚ ਉਨ੍ਹਾਂ ਦੇ ਕ੍ਰਾਂਤੀਕਾਰੀ ਵਿਚਾਰ ਨੂੰ ਦੇਖ ਕੇ ਪਕਿਸਤਾਨ ਸਰਕਾਰ ਨੇ ਉਨ੍ਹਾਂ ਖਿਲਾਫ ਗ੍ਰਿਫਤਾਰੀ ਦਾ ਵਾਰੰਟ ਜਾਰੀ ਕਰ ਦਿੱਤਾ।

ਇਸ ਤੋਂ ਬਾਅਦ ਉਹ 1950 ਵਿੱਚ ਮੁੰਬਈ ਆ ਗਏ। ਸਾਹਿਰ ਨੇ 1950 ਵਿੱਚ ਪ੍ਰਦਰਸ਼ਿਤ ‘ ਆਜਾਦੀ ਕੀ ਰਾਹ ਪਰ’ ਫਿਲਮ ਵਿੱਚ ਆਪਣਾ ਪਹਿਲਾ ਗੀਤ’ ਬਦਲ ਰਹੀ ਹੈ ਜ਼ਿੰਦਗੀ’ ਲਿਖਿਆ ਪਰ ਫਿਲਮ ਸਫਲ ਨਹੀਂ ਰਹੀ। ਸਾਲ 1951 ਵਿੱਚ ਐਸ.ਡੀ. ਬਰਮਨ ਦੇ ਸੰਗੀਤ ਉਤੇ ਫਿਲਮ ‘ਨੌਜਵਾਨ’ ਵਿੱਚ ਲਿਖੇ ਆਪਣੇ ਗੀਤ’ ਠੰਡੀ ਹਵਾਏਂ ਲਹਿਰਾ ਕੇ ਆਏ’ ਤੋਂ ਬਾਅਦ ਗੀਤਕਾਰ ਦੇ ਰੂਪ ਵਿੱਚ ਹੱਦ ਤੱਕ ਆਪਣੀ ਪਹਿਚਾਣ ਬਣਾਉਣ ਵਿੱਚ ਸਫਲ ਹੋ ਗਏ। ਸਾਹਿਰ ਨੇ ਸਾਲ 1958 ਵਿੱਚ ਪ੍ਰਦਰਸ਼ਿਤ ਫਿਲਮ’ ਫਿਰ ਸੁਬਾਹ ਹੋਗੀ’ ਦੇ ਲਈ ਅਦਾਕਾਰ ਰਾਜਕਪੂਰ ਇਹ ਚਾਹੁੰਦੇ ਹਨ ਕਿ ਉਨ੍ਹਾਂ ਦੇ ਪਸੰਦੀਦਾ ਸੰਗੀਤਕਾਰ ਸ਼ੰਕਰ ਜੈਕਿਸ਼ਨ ਇਸ ਵਿੱਚ ਸੰਗੀਤ ਦੇਣ ਜਦੋਂ ਕਿ ਸਾਹਿਰ ਇਸ ਗੱਲ ਤੋਂ ਖੁਸ਼ ਨਹੀਂ ਸਨ। ਉਨ੍ਹਾਂ ਨੇ ਇਸ ਗੱਲ ਉਤੇ ਜੋਰ ਦਿੱਤਾ ਕਿ ਫਿਲਮ ਵਿੱਚ ਸੰਗੀਤ ਖਿਆਮ ਦਾ ਹੀ ਹੋਵੇ। ‘ ਵੋ ਸੁਬਹ ਕਭੀ ਤੋ ਆਏਗੀ’’ ਵਰਗੇ ਗੀਤਾਂ ਦੀ ਕਾਮਯਾਬੀ ਦੇ ਨਾਲ ਸਾਹਿਰ ਦਾ ਫੈਸਲਾ ਸਹੀ ਸਾਬਿਤ ਹੋਇਆ। ਇਹ ਗੀਤ ਅੱਜ ਵੀ ਕਲਾਸਿਕ ਗੀਤ ਦੇ ਰੂਪ ਵਿੱਚ ਯਾਦ ਕੀਤਾ ਜਾਂਦਾ ਹੈ।

ਸਾਹਿਰ ਆਪਣੀ ਸ਼ਰਤਾਂ ਉਤੇ ਗੀਤ ਲਿਖਿਆ ਕਰਦੇ ਸਨ। ਇੱਕ ਵਾਰ ਇੱਕ ਫਿਲਮ ਨਿਰਮਾਤਾ ਨੇ ਨੌਸ਼ਾਦ ਦੇ ਸੰਗੀਤ ਨਿਰਦੇਸ਼ਨ ਵਿੱਚ ਉਨ੍ਹਾਂ ਤੋਂ ਗੀਤ ਲਿਖਣ ਦੀ ਪੇਸ਼ਕਸ਼ ਕੀਤੀ। ਸਾਹਿਰ ਨੂੰ ਜਦੋਂ ਇਸ ਗੱਲ ਦਾ ਪਤਾ ਚੱਲਿਆ ਕਿ ਸੰਗੀਤਕਾਰ ਨੌਸ਼ਾਦ ਨੂੰ ਉਨ੍ਹਾਂ ਤੋਂ ਜ਼ਿਆਦਾ ਰਕਮ ਦਿੱਤੀ ਜਾ ਰਹੀ ਹੈ ਤਾਂ ਉਨ੍ਹਾਂ ਨੇ ਨਿਰਮਾਤਾ ਨੂੰ ਐਗਰੀਮੈਂਟ ਖਤਮ ਕਰਨ ਨੂੰ ਕਿਹਾ।

ਉਨ੍ਹਾਂ ਦਾ ਕਹਿਣਾ ਸੀ ਕਿ ਨੌਸ਼ਾਦ ਇੱਕ ਮਹਾਨ ਸੰਗੀਤਕਾਰ ਹਨ ਪਰ ਧੁਨਾਂ ਨੂੰ ਸ਼ਬਦ ਹੀ ਵਜਨੀ ਬਣਾਉਂਦੇ ਹਨ। ਆਖਿਰ ਇੱਕ ਰੁਪਇਆ ਹੀ ਵੱਧ ਸਹੀ ਗੀਤਕਾਰ ਨੂੰ ਸੰਗੀਤਕਾਰ ਤੋਂ ਵੱਧ ਰਕਮ ਮਿਲਣੀ ਚਾਹੀਦੀ ਹੈ। ਗੁਰੂਦੱਤ ਦੀ ਫਿਲਮ ‘ਪਿਆਸਾ’ ਸਾਹਿਰ ਦੇ ਸਿਨੇ ਕਰੀਅਰ ਦੀ ਅਹਿਮ ਫਿਲਮ ਸਾਬਿਤ ਹੋਈ। ਫਿਲਮ ਦੇ ਪ੍ਰਦਰਸ਼ਨ ਦੇ ਦੌਰਾਨ ਅਜੀਬ ਨਜ਼ਾਰਾ ਦਿਖਾਈ ਦਿੱਤਾ। ਮੁੰਬਈ ਦੇ ਮਿਨਰਵਾ ਟਾਕੀਜ਼ ਵਿੱਚ ਜਦੋਂ ਇਹ ਫਿਲਮ ਦਿਖਾਈ ਜਾ ਰਹੀ ਸੀ ਉਦੋਂ ਜਿਸ ਤਰ੍ਹਾਂ ਹੀ ‘ ਜਿਨੇ ਨਾਜ ਹੈ ਹਿੰਦ ਪਰ ਵੋ ਕਹਾਂ ਹੈ’ ਵੱਜਿਆ ਉਦੋਂ ਦਰਸ਼ਕ ਆਪਣੀ ਸੀਟ ਤੋਂ ਉਠ ਕੇ ਖੜੇ ਹੋ ਗਏ ਅਤੇ ਗੀਤ ਦੇ ਅੰਤ ਤੱਕ ਤਾੜੀ ਵਜਦੀ ਰਹੀ। ਬਾਅਦ ਵਿੱਚ ਦਰਸ਼ਕਾਂ ਦੀ ਮੰਗ ‘ਤੇ ਇਸ ਨੂੰ ਤਿੰਨ ਵਾਰ ਹੋਰ ਦਿਖਾਇਆ ਗਿਆ।

Sahir Ludhianvi birthday life

ਫਿਲਮ ਇੰਡਸਟਰੀ ਦੇ ਇਤਿਹਾਸ ਵਿੱਚ ਸ਼ਾਇਦ ਪਹਿਲਾਂ ਅਜਿਹਾ ਕਦੇ ਨਹੀਂ ਹੋਇਆ ਸੀ। ਸਾਹਿਰ ਨੂੰ ਸਿਨੇ ਕਰੀਅਰ ਵਿੱਚ ਦੋ ਵਾਰ ਸਰਵ-ਸ਼੍ਰੇਸ਼ਠ ਗੀਤਕਾਰ ਦੇ ਫਿਲਮਫੇਅਰ ਪੁਰਸਕਾਰ ਨਾਲ ਨਵਾਜਿਆ ਗਿਆ ਸੀ। ਲਗਭਗ ਤਿੰਨ ਦਹਾਕਿਆਂ ਤੱਕ ਹਿੰਦੀ ਸਿਨੇਮਾ ਨੂੰ ਆਪਣੇ ਰੁਮਾਨੀ ਗੀਤਾਂ ਨਾਲ ਮੰਤਰ-ਮੁਗਧ ਕਰਨ ਵਾਲੇ ਸਾਹਿਰ ਲੁਧਿਆਣਵੀ 59 ਸਾਲ ਦੀ ਉਮਰ ਵਿੱਚ 25 ਅਕਤੂਬਰ 1980 ਨੂੰ ਇਸ ਦੁਨੀਆ ਨੂੰ ਅਲਵਿਦਾ ਆਖ ਗਏ।

The post ਜਨਮਦਿਨ ਵਿਸ਼ੇਸ਼: ਸਾਹਿਰ ਲੁਧਿਆਣਵੀ ਨੇ ਫਿਲਮ ਇੰਡਸਟਰੀ ਵਿੱਚ ਗੀਤਕਾਰਾਂ ਨੂੰ ਵਾਜਿਬ ਹੱਕ ਦਿਲਵਾਇਆ appeared first on Current Punjabi News | Latest Punjabi News Online : DailyPost.



This post first appeared on Punjab Archives - Latest Punjab News, Current Punjabi News, please read the originial post: here

Share the post

ਜਨਮਦਿਨ ਵਿਸ਼ੇਸ਼: ਸਾਹਿਰ ਲੁਧਿਆਣਵੀ ਨੇ ਫਿਲਮ ਇੰਡਸਟਰੀ ਵਿੱਚ ਗੀਤਕਾਰਾਂ ਨੂੰ ਵਾਜਿਬ ਹੱਕ ਦਿਲਵਾਇਆ

×

Subscribe to Punjab Archives - Latest Punjab News, Current Punjabi News

Get updates delivered right to your inbox!

Thank you for your subscription

×