క్లౌడ్ కంప్యూటింగ్ అథేటితికేషణ్, అతరైజెశన్ అనేది పగడ్బందీగా జరగాలి లేని పక్షం లో సులువుగా హకెర్స్ ప్రవేశిస్తారు. క్లైంట్ నిత్యం సర్వర్ నుంచీ డేటా అప్లికేషను యాక్సెస్ చేస్తూ ఉంటాడు.  క్లైంట్ సిస్టం ద్వారా ముక్యమయిన సమాచారాన్ని (యుసేర్ ఐడి, పాస్ వర్డ్ .. వంటి లాగిన్ సమాచారం) రాబట్టే వీలు ఉంది.  కావున క్లైంట్ కంప్యూటర్ కూడా సురక్షితగా ఉండేలా క్లౌడ్ కంప్యూటింగ్ సంస్థలు జాగర్తలు తీసుకోవాలి.  భవిష్యత్తులో క్లౌడ్ కంప్యూటింగ్ విస్తరించనుంది.  అనేక సంస్థలు కూడా నమ్మకమయిన సంస్థ నుండి ఈ సేవలు పొందడానికి రెడిగా ఉన్నాయి.  ఎందుకు అంటే చాలా వరకు కంప్యూటింగ్ రిస్క్ తగ్గుతుంది.  కీలకమయిన డేటా ఒకే చోట ఉంటుంది.  మీ డేటా కూడా నేరుగా మీ కంప్యుటర్ ద్వారానే సెక్యురిటీ ప్రొవైడ్ చేసుకోవచ్చు.  క్లౌడ్ సేవలు గురించి పలు ఇండియన్ కంపనీలు కుడా ఆసక్తిని చూపుతున్నాయి. క్లౌడ్ సేవలు సేవలు ఇంకా పూర్తి స్తాయిలో ఇంప్లిమెంట్ కావడం లేదు.  మరింత సమయం పట్టవచ్చు.
--------------------------------------------------------------------------------------------------------------------
2.

కీలకం కానున్న క్లౌడ్‌ కంప్యూటింగ్‌!

రాబోయే రోజుల్లో సమాచార సాంకేతిక పరిజ్ఞానం వినియోగాన్ని పెంచడంలో 'క్లౌడ్‌ కంప్యూటింగ్‌' కీలక పాత్ర వహించనుంది. కంప్యూటర్‌ సాఫ్ట్‌వేర్ల వినియోగంలో సంస్థల ఖర్చు తగ్గించే ఈ పరిజ్ఞానంపై సర్వత్రా ఆసక్తి పెరుగుతోంది. డేటా సంస్థలు అధిక మొత్తాలు వెచ్చించి, ప్రత్యేక సర్వర్‌ ఏర్పాటు చేసుకోవలసిన అవసరం లేకుండానే తమ కార్యకలాపాలు నిర్వహించేందుకు ఈ పద్ధతి ఉపయోగపడుతుంది. ఐటీ రంగంలో ప్రముఖ స్థానంలో ఉన్న మన దేశంలో 3జీ, వైర్‌లెస్‌ బ్రాడ్‌బ్యాండ్‌ సదుపాయాలు మరింత విస్తృతమవుతున్నందున నెట్‌ వినియోగం రాబోయే 3-6 సంవత్సరాల్లో రెండు, మూడు రెట్లు పెరిగే అవకాశం ఉంది. క్లౌడ్‌ కంప్యూటింగ్‌ విస్తృతికి ఇది మరింత దోహదపడనుంది.
'క్లౌడ్‌ కంప్యూటింగ్‌'తో డేటా మొత్తాన్ని ఆన్‌లైన్‌లోనే భద్రం చేసుకుని ఎక్కడైనా వాడుకోవచ్చు. ప్రస్తుతం మనం వాడుతున్న హార్డ్‌డిస్క్‌లు, పోర్టబుల్‌ స్టోరేజ్‌ పరికారాలు చరిత్రగా మిగిలి పోనున్నాయి. భవిష్యత్‌ మొత్తం క్లౌడ్‌ కంప్యూటింగ్‌దేనని, ప్రపంచవ్యాప్తంగా 2015నాటికి క్లౌడ్‌ కంప్యూటింగ్‌ 45.4 బిలియన్‌ డాలర్లను ఆర్జించవచ్చని నిపుణుల అంచనా.
క్లౌడ్‌ కంప్యూటింగ్‌ అంటే?
'క్లౌడ్‌' అనే పదాన్ని సాధారణంగా ఇంటర్నెట్‌ను సూచించటానికి వాడతారు. ఇలా ఇంటర్నెట్‌ నుండి కంప్యుటేషన్‌ శక్తిని వాడుకోవటం వలన దీనికి ఈ పేరు పెట్టారు. అంటే- ఇంటర్నెట్‌ ద్వారా అవసరమైనప్పుడు....కావాల్సిన సాఫ్ట్‌వేర్‌ను ఉపయోగించుకుంటూ వివిధ సంస్థలు తమ వనరుల్ని పంచుకోవడానికి వుపయోగించే సాంకేతిక పరిజ్ఞానాన్ని క్లౌడ్‌ కంప్యూటింగ్‌గా పరిగణిస్తారు. దీనిని గత శతాబ్దంలోనే ప్రవేశపెట్టినప్పటికీ, పెద్దగా గుర్తింపుకు నోచుకోలేదు. కానీ ఇప్పుడిప్పుడే పెద్దపెద్ద కంపెనీలు దీని విశిష్టతను గ్రహించి వాడటం మొదలు పెడుతున్నాయి. ఇందులో 3 రకాల ఉపయోగాలున్నాయి. 1. సాఫ్ట్‌వేర్‌ యాజ్‌ ఎ సర్వీస్‌. 2. హార్డ్‌వేర్‌ యాజ్‌ ఎ సర్వీస్‌. 3. డేటాబేస్‌ యాజ్‌ ఎ సర్వీస్‌.
సాఫ్ట్‌వేర్‌ యాజ్‌ ఎ సర్వీస్‌
మనం వాడే సాఫ్ట్‌వేర్లు చాలా వరకు కొనవలసివుంటుంది. ఇక చిన్నా పెద్ద కంపెనీల విషయానికొస్తే వీటి కోసం కొన్ని కోట్ల ఖర్చు పెట్టవలసి వుంటుంది. మనం మాట్లాడుతున్న క్లౌడ్‌ కంప్యూటింగ్‌ ద్వారా ఇంటర్నెట్‌లో సాఫ్ట్‌వేర్‌ను వుంచి, దానిని వాడిన వారికి గంటకు ఇంత అని బిల్లు వేయటం ద్వారా ఇది ఇరు వర్గాలకు లాభదాయకమవుతుంది. దీనికి ఉదాహరణ మైక్రోసాఫ్ట్‌, అడోబ్‌ వంటి సాఫ్ట్‌వేర్లను చెప్పవచ్చు. వీటికి ప్రత్యామ్నాయంగా ఓపెన్‌సోర్స్‌ సాఫ్ట్‌వేర్లు వాడవచ్చు. కానీ కొన్ని అవసరాల్లో ప్రొప్రైటరీ సాఫ్ట్‌వేర్లదే పైచేయి కావచ్చు. అటువంటప్పుడు ఆ సాఫ్ట్‌వేర్‌ను కొనుగోలు చేయాలంటే అధిక మొత్తాన్ని వెచ్చించాల్సి వుంటుంది. ఆ సాఫ్ట్‌వర్‌ను కొనుగోలు చేయకుండానే ఈ క్లౌడ్‌ కంప్యూటింగ్‌ పరిజ్ఞానం ద్వారా అవసరమైన సమయం వరకు మాత్రమే ఉపయోగించుకుని అందుకు తగిన మొత్తాన్ని చెల్లిస్తాం. ఇంకా విపులంగా చెప్పాలంటే మనం ఇంట్లో బల్బు స్విచ్‌ వేసినప్పుడు మాత్రమే మీటర్‌ తిరుగుతుంది. స్విచ్‌ ఆపినప్పుడు మీటర్‌ తిరగదు. మనం ఒక బల్బుకు ఎంత విద్యుత్‌ను వాడుతున్నామో అంతవరకు మాత్రమే డబ్బు చెల్లిస్తాం. వాడనప్పుడు డబ్బు కట్టనవసరం లేదు. ఇది కూడా అంతే.
హార్డ్‌వేర్‌ యాజ్‌ ఎ సర్వీస్‌
ఒకవేళ మన వెబ్‌సైట్‌ను పగటి వేళల్లో ఎక్కువగా రాత్రివేళల్లో తక్కువగా వాడుతున్నటైతే మనకు రాత్రి వేళల్లో ఎక్కువ సర్వర్లు అవసరం ఉండవు. కానీ మనం వాటిని కొన్నాం కాబట్టి అవి మన ఆఫీస్‌లో ఉంటాయి. కొద్ది రోజుల తరువాత మన దగ్గర ఉన్న వాటి కన్నా మంచి సర్వర్లు మార్కెట్లోకి వస్తే మనం అవసరాన్ని బట్టి వాటిని కొని వీటిని పక్కన పడేయాల్సి వుంటుంది. కానీ క్లౌడ్‌ కంప్యూటింగ్‌ 'హార్డ్‌వేర్‌ యాజ్‌ ఎ సర్వీస్‌' మహత్యంతో కావలసినప్పుడు ఇంటర్నెట్‌ నుండి కావలసినంత కంప్యుటేషన్‌ శక్తిని పొందవచ్చు, అవసరం లేదనుకుంటే తిరిగి అప్పజెప్పవచ్చు. కొత్త టెక్నాలజీ అందుబాటులో వున్నా పాత టెక్నాలజీతోనే సరిపెట్టుకోవాల్సిన అవసరం వుండదు.
డేటాబేస్‌ యాజ్‌ ఎ సర్వీస్‌
ఏదైనా పనిమీద వేరే ఊరికి వెళ్ళినప్పుడు ఒకరోజో రెండు రోజులో వుండడానిని హోటల్‌ రూమ్‌ కొనకుండా రెంట్‌ మాత్రమే కట్టి వస్తామో, అలాగే అవసరమైనంత డిస్క్‌ స్పేస్‌ను అవసరమైనప్పుడు మాత్రమే వాడవచ్చు. వాడిన దానికి మాత్రమే రెంట్‌ కడితే చాలు.
నష్టాలు
*మనం భద్రపరచుకున్న డేటా సులభంగా ఇతరులకు చేరే అవకాశం వుంది. గోప్యత వుండదు.
* కొద్దిమంది మోనోపలి సంస్థల చేతుల్లో చిక్కుకునే అవకాశం వుంది.
*అది హార్డ్‌వేర్‌ అయినా, సాఫ్ట్‌వేర్‌ అయినా దానిపై వినియోగదారునికి హక్కు వుండదు.
ప్రత్యామ్నాయం
*ఫ్రీ సాఫ్ట్‌వేర్స్‌, ఓపెన్‌సోర్స్‌ సాఫ్ట్‌వేర్స్‌ను ప్రోత్సహించడంతోపాటు వాటిని విరివిగా ఉపయోగించడం ద్వారా ఖర్చు తగ్గించుకోవచ్చు.

---------------------------------
3.