میں کہیا اے کوئی گل تے نہیں نہ

میں کہیا اے کوئی گل تے نہیں نہ
چپ مسئلے دا حل تے نہیں نہ

میرے دل چوں نکل وی سکنا
دل کوئی دل دل تے نہیں نہ

منیا بندے اکو جئے نے
تیرے گل کوئی ٹل تے نہیں نہ

میں کہنا لہو اکو جئے نے
او کہندا کھل تے نہیں نہ

عشق تو میں انجان ہی سہی
تینوں وی تے ول تے نہیں نہ

دنیا میتھوں باغی صابر
تو دنیا دے ول تے نہیں نہ

انتخاب: عامر علی

The post میں کہیا اے کوئی گل تے نہیں نہ appeared first on Fruit Chat.