اک تیز تیر تھا کہ لگا اور نکل گیا
ماری جو چیخ ریل نے جنگل دہل گیا
اک تیز تیر تھا کہ لگا اور نکل گیا
سویا ہوا تھا شہر کسی سانپ کی طرح
میں دیکھتا ہی رہ گیا اور چاند ڈھل گیا
خواہش کی گرمیاں تھیں عجب ان کے جسم میں
خوباں کی صحبتوں میں مرا خون جل گیا
تھی شام زہر رنگ میں ڈوبی ہوئی کھڑی
پھر اک ذرا سی دیر میں منظر بدل گیا
مدت کے بعد آج اسے دیکھ کر منیرؔ
اک بار دل تو دھڑکا مگر پھر سنبھل گیا
منیر نیازی
رنج فراق یار میں رسوا نہیں ہوا – منیر نیازی
ہیں رواں اس راہ پر جس کی کوئی منزل نہ ہو – منیر نیازی
پی لی تو کچھ پتہ نہ چلا وہ سرور تھا – منیر نیازی
Related Articles
The post اک تیز تیر تھا کہ لگا اور نکل گیا – منیر نیازی appeared first on Fruit Chat.
