آہ کو سمجھے ہو کیا دل سے اگر ہو جائے گی
آہ کو سمجھے ہو کیا دل سے اگر ہو جائے گی
وہ تو وہ ان کے فرشتوں کو خبر ہو جائے گی
پوری کیا موسیٰ تمنا طور پر ہو جائے گی
Related Articles
تم اگر اوپر گئے نیچی نظر ہو جائے گی
کیا ان آہوں سے شب غم مختصر ہو جائے گی
یہ سحر ہونے کی باتیں ہیں سحر ہو جائے گی
آ تو جائیں گے وہ میری آہ پر تاثیر سے
محفل دشمن میں رسوائی مگر ہو جائے گی
کس سے پوچھیں گے وہ میرے رات کے مرنے کا حال
تو بھی اب خاموش اے شمع سحر ہو جائے گی
یہ بہت اچھا ہوا آئیں گے وہ پچھلے پہر
چاندنی بھی ختم جب تک اے قمرؔ ہو جائے گی
The post آہ کو سمجھے ہو کیا دل سے اگر ہو جائے گی – قمرجلالوی appeared first on Fruit Chat.