नवी दिल्ली, आम आदमी पार्टी (AAP) 30 मार्च रोजी देशभरातील 11 भाषांमध्ये पंतप्रधान नरेंद्र मोदी यांच्या विरोधात पोस्टर लावणार आहे. पक्षाच्या ज्येष्ठ नेत्याने ही माहिती दिली.

आपच्या दिल्ली युनिटचे प्रमुख आणि पर्यावरण मंत्री गोपाल राय यांनी पीटीआयला सांगितले की, “आम आदमी पार्टी 30 मार्च रोजी देशभर पोस्टर लावणार आहे. पक्षाच्या सर्व राज्य घटकांना आपापल्या राज्यात पोस्टर लावण्यास सांगण्यात आले आहे. पोस्टर्स 11 भाषांमध्ये छापण्यात आले आहेत.

गेल्या आठवड्यात, राष्ट्रीय राजधानीत भिंती आणि विद्युत खांबांवर “मोदी हटाओ, देश बचाओ” चे पोस्टर्स चिकटवण्यात आले होते. याप्रकरणी पोलिसांनी सहा जणांना अटक केली असून 49 एफआयआर दाखल करण्यात आले आहेत. यानंतर भारतीय जनता पक्षाने (भाजप) राष्ट्रीय राजधानीत ‘केजरीवाल हटाओ, दिल्ली बचाओ’चे पोस्टर लावले.