Short Story On Humanity In Gujarati
Short Story On Humanity In Gujarati by our guest writer Jagruti Kaila. A very talented writer from Morbi, Gujarat. A published Author as well.
માણસાઈ..
“પુજારી કાકા કેમ હજી આરતી ચાલુ નથી કરી? “ગોપાલભાઈના પૂછાયેલા પ્રશ્નના જવાબમાં કાકાએ કહ્યું,”જો.. ને…બેટા, આ સવારમાં મંદિરે આવી ને જોયું તો તાળું તૂટેલું હતું અને.. “
ગોપાલભાઈ અધિરાઈથી પૂછી બેઠા, “અને શું કાકા..? “
કાકાએ નિસાસો નાખતા કહ્યું ,”કોઈ પોતાની નવજાત બાળકી મંદિરમાં મૂકી ગયું છે..! મુકનારને ખબર કે આ નાનકડી સોસાયટી અને નાનકડું મંદિર એટલે સી. સી. કેમેરાનો સામનો નહીં થાય. “
ગોપાલભાઈએ બાળકીને ઊંચકી અને ચિંતાતુર સ્વરે બોલ્યા, “તો કાકા હવે.. આ માસુમ બાળકીનું શું થશે..!? “
કાકા ખૂબ ઊંડા સ્વરે બોલ્યા, “બીજુ તો શું થાય.. અનાથ આશ્રમમાં મૂકી આવીશ”
ગોપાલભાઈએ બાળકીની માસુમિયત જોઈ કહ્યુ, “હું જ રાખું તો..! મારા ઘરે પૂજા અને અર્ચના છે આ ત્રીજી આરતી. ” આમ કહી ગળે વળગાડી.
કાકા બોલ્યા, “પણ બેટા, એની નાત, જાત ધર્મ, મોંઘવારી.. ” ગોપાલભાઈ ઈશ્વરની મૂર્તિ સામું જોઈ બોલ્યા, “માણસાઈથી મોટો બીજો શું ધર્મ હોય શકે..! અને આના ભાગ્યનું ઈશ્વર આપી દેશે. “
પૂજારી કાકા જોઈ રહ્યા અને વિચારી રહ્યા,
“માણસાઈ માણસાઈમાં કેવો ભેદ છે..!,
એ વાતનો જ પ્રભુ મને બહુ ખેદ છે,
બંને માણસો તો તારા જ બનાવેલ..
એક કામ, તો બીજો ધર્મમાં કેદ છે.”
Related Articles
અંત માં તો એટલુંજ કહીશ કે માણસાઈ માટે કર્મ નુંજ મહત્ત્વ છે, ધર્મ નું નહીં.
The post Short Story On Humanity In Gujarati appeared first on Mann Na Vichar.
