ڈرامہ سیریل ‘دراڑ’ دس اگست سے جیو ٹی وی سے آن ائیر ہو نے جا رہا ہے۔ ڈرامے کی کاسٹ میں سید جبران ، مومل شیخ ، امر خان، بہروزسبزوری ، شاہین خان اور صاھبہ ہاشمی و دیگر شامل ہیں۔ دراڑ کو شہرزادے شیخ نے ڈائریکٹ کیا ہے جبکہ لکھا مصباح نوشین نے ہے۔ اسد قریشی اور عبداللہ کادوانی کے اس ڈرامے کے لئے انتظار کی گھڑیاں ختم ہو رہی ہیں آئندہ روز اس ڈرامے کی پہلی قسط نشر کی جا رہی ہے۔ اداکارہ و مصنفہ امر خان کی رواں برس دم مستم بھی ریلیز ہو چکی ہے اس فلم نے شائقین کے دل نہیں جیتے۔ اس فلم سے امر خان نے ڈیبیو کیا تھا۔ ان کے ساتھ عمران اشرف تھے ان کی بھی یہ پہلی فلم تھی۔ فلم کی کہانی میں کافی جھول

ہونے کی وجہ سے اسے شائقین نے رد کردیا۔ دوسری طرف فلم گھبرانا نہیں ہے میں سید جبران کے کردار نے شائقین کو ان کا دیوانہ بنا دیا۔ سید جبران کی یہ پہلی فلم تھی اور انہوں نے پہلی بار کامیڈی کردار کیا۔ فلم گھبرانا نہیں ہے کی کامیابی کا زیادہ کریڈٹ سید جبران کو ملا جبکہ اس فلم کے ہیرو زاہد احمد تھے ان کی بھی یہ پہلی فلم تھی۔ یوں امر خان اور سید جبران فلموں کے بعد اس ڈرامے کے ساتھ چھوٹی سکرین پر واپسی کررہے ہیں۔ دیکھنا یہ ہے کہ امرخان ، سید جبران اور مومل شیخ کی جوڑی شائقین کو کتنی پسند آتی ہے۔دراڑ ڈرامہ میں مومل شیخ منفی کردار میں نظر آئیں گی۔

The post ڈرامہ سیریل دراڑ کی پہلی قسط کل نشر ہو گی appeared first on Baaghi TV.