پرائویٹ سکولوں میں‌ حکومت تین ماہ کی فیس معاف کرائے ، آل سندھ پیرنٹس ایسوسی ایشن

باغی ٹی وی :حمود الرب جعفری جنرل سیکریٹری آل سندھ پیرنٹس ایسوسی ایشن نے حکومت سے اپیل کی ہے کہ وہ پرائیویٹ‌ سکولوں کی تین ماہ کی فیس معاف کرائے اور اپنے جاری کردہ تعلیمی فنڈز میں سے بچوں کے والدین کو ریلیف پہنچائے. اپنے ایک پیغام میں انہوں نے کہا کہ اس وقت پرائیویٹ سکولز کو 20 فیصد فیس معاف کرنے کی ہدایت کی گئی ہے جس کو ماننے سے سکول گریزاں ہیں. یہ معاف ہو بھی جائے تو والدین اتنی فیس بھی دینے کی پوزیشن میں‌ نہیں‌ ہیں انہوں نے کہا کہ اس وقت جب کہ وبا کی وجہ سے ہر طرح کا کام بند ہے لوگوں کو دو وقت کے کھانے کے لالے پڑے ہوئے ہیں ان حالات میں‌ فیس دینا بالکل ممکن نہیں ہے.

انہوں نے کہا کہ حکومت اس کام کے لیے اربوں روپےکے بچٹ مختص کرتی ہے . اب ضرورت ہے کہ اس رقم سے ان والدین کو ریلیف پہنچایا جائے جو کہ مشکل ترین صورت حال سے دوچار ہیں. انہوں نے کہا کہ والدین نجی سکولون میں تین ماہ تک فیس دینے کے باکل بھی اہل نہیں‌ ہیں‌، کیونکہ ہر طرح کا کروبار بند ہے .

حمود الرب جعفری کا کہنا تھا کہ حکومت جو کہ اس وقت اربوں روپے کا بجٹ مختص کر چکی ہے اور تعلیم کی مد میں پہلے بھی فنڈ ہے اس کو استعمال کرتے ہوئے پرائیویٹ سکولوں کو فیس دیں کیونکہ کام بند اور لاک ڈاؤن ہونے کی وجہ سے تو والدین اپنے بچوں کو کھانا دینے سے قاصر ہیں. فیس کیسے دیں گے ، انہوں نے کہا اس وقت جہاں دوسرے مسائل ہیں‌یہ بھی ایک بہت بڑا مسئلہ ہے جسے حکومت کو لازمی حل کرنا چاہیے .

The post حکومت سکولوں میں‌ تین ماہ کی فیس معاف کرائے ، آل سندھ پیرنٹس ایسوسی ایشن appeared first on Baaghi TV.