انقرہ :ترکی میدان اور میز پر اپنا سکہ جماتا رہے گا، ابراہیم قالن صدارتی ترجمان کا دوٹوک بیان ،اطلاعات کےمطابق صدارتی ترجمان ابراہیم نے ترک قومی اسمبلی میں قبول کردہ لیبیا کو فوجی روانہ کرنے پر مبنی اجازت نامے کے بارے میں بات کرتے ہوئے کہا کہ”ترکی میدان اور مذاکرات کی میز پر طاقتور بننے کے عمل کو جاری رکھے گا۔ ”

صدارتی ترجمان قالن نے سماجی رابطوں کی ویب سائٹ ٹویٹر پر اپنے پیغام میں لکھا ہے کہ” ترکی نے شمالی افریقہ اور بحیرہ روم میں اپنے مفادات کے تحفظ کے لیے اہم اقدامات اٹھائے ہیں، ترکی ہر میدان میں طاقت پکڑنے کے عمل پیرا رہے گا۔ ”

محکمہ اطلاعات کے مشیر فخرالدین آلتون نے بھی اپنی ٹویٹ میں لکھا ہے کہ "ترکی ، لیبیا اور مشرقی بحیرہ روم میں سیکورٹی اور امن کے تحفظ کے لیے اپنی پوری طاقت کو بروئے کار لانے اور علاقے پر یکطرفہ طور پر اجارہ داری قائم کرنے کی کوشش کرنے والی چالوں کو ناکام بناتا رہے گا۔”

The post ترکی میدان اور میز پر اپنا سکہ جماتا رہے گا، ابراہیم قالن صدارتی ترجمان کا دوٹوک بیان appeared first on Baaghi TV.