اسلام آباد: نیب کا جعلی ڈائریکٹر جنرل گرفتار ، جعلی ڈائریکٹر نے لوٹ مچا رکھی تھی قومی احتساب بیورو (نیب) کے انٹیلی جنس ونگ نے کارروائی کر کے جعلی ڈائریکٹر جنرل کو حراست میں لے کر پولیس کے حوالے کردیا۔

ترجمان نیب کے مطابق حراست میں لیے جانے والے شخص کی شناخت محمد ندیم کے نام سے ہوئی جو پنجاب کے ضلع بہاولپور کا رہائشی اور خود کو قومی احتساب بیورو کا ڈائریکٹر جنرل ظاہر کرکے شہریوں سے رقم بٹورتا تھا۔ نیب کے انٹیلی جنس ونگ نے ملزم کو پولیس کے حوالے کردیا۔

قومی احتساب بیورو کی جانب سے جاری ہونے والے اعلامیے کے مطابق نیب کا اینٹی کرپشن یونٹ حکمت عملی پر سختی سے عمل پیرا ہے، 27ماہ کے دوران عوام کو لوٹنے والے 9 ایسے افراد کو گرفتار کیا گیا جو خود کو نیب کا افسر ظاہر کرتے تھے۔

The post نیب کا جعلی ڈائریکٹر جنرل گرفتار ، جعلی ڈائریکٹر نے لوٹ مچا رکھی تھی appeared first on Baaghi TV.