Get Even More Visitors To Your Blog, Upgrade To A Business Listing >>

قومی ٹیم دورہ برطانیہ کیلئے روانہ، محمد عامر ویزہ نہ ملنے پر ٹیم کے ہمراہ نہ جاسکے

قومی کرکٹ ٹیم دورہ برطانیہ کیلئے لاہور ایئرپورٹ سے روانہ ہو گئی۔

ذرائع کے مطابق دورہ آئرلینڈ اورا نگلینڈ کےلئے پاکستان کرکٹ ٹیم کے کھلاڑی غیر ملکی پرواز ای کے 623 کے ذریعے علامہ اقبال انٹرنیشنل ایئرپورٹ سے روانہ ہوئے ، برطانیہ جانے والے 25 رکنی سکواڈ میں 14کھلاڑی اور11 آفیشلز شامل ہیں جبکہ فاسٹ باﺅلر محمد عامر ویزہ نہ ملنے کی وجہ سے ٹیم کے ہمراہ روانہ نہ ہوسکے جبکہ ذرائع کے مطابق محمد عامر کو ایک روز کی تاخیر کے بعد ویزہ ملنے کا امکان ہے جس کے بعد وہ ٹیم کو جوائن کرلیں گے۔

فاسٹ باﺅلر محمد عباس پہلے ہی انگلینڈ میں کاﺅنٹی کرکٹ کھیلنے میں مصروف ہیں جہاں سے وہ ٹیم کو جوائن کریں گے۔ قومی کرکٹ ٹیم انگلینڈ کیخلاف 2 ٹیسٹ میچوں کی سیریز کھیلے گی۔

قومی ٹیم کی قیادت سرفراز احمد کررہے ہیں جبکہ دیگر کھلاڑیوں میں اظہر علی، سمیع اسلم، فخرزمان، امام الحق، اسد شفیق، حارث سہیل، بابر اعظم ، عثمان صلاح الدین،سعد علی، شاداب خان ،فہیم اشرف، محمدعامر، حسن علی اور راحت علی شامل ہیں اور محمد عباس انگلینڈ میں ہی ٹیم کو جوائن کریں گے۔

خیال رہے کہ آئرلینڈ اپنی تاریخ کا پہلا ٹیسٹ میچ پاکستان کیخلاف کھیلے گا۔انگلینڈ کیخلاف دو ٹیسٹ میچوں کی سیریز بھی پاکستان کے دورے کا حصہ ہو گی جبکہ سکاٹ لینڈ بھی 2ٹی ٹونٹی میچوں میں قومی ٹیم کا سامنا کرے گی۔

The post قومی ٹیم دورہ برطانیہ کیلئے روانہ، محمد عامر ویزہ نہ ملنے پر ٹیم کے ہمراہ نہ جاسکے appeared first on ماہنامہ میرے محسن.



This post first appeared on Islamic Society Magazine | Islamic Magazine Around The Family, please read the originial post: here

Share the post

قومی ٹیم دورہ برطانیہ کیلئے روانہ، محمد عامر ویزہ نہ ملنے پر ٹیم کے ہمراہ نہ جاسکے

×

Subscribe to Islamic Society Magazine | Islamic Magazine Around The Family

Get updates delivered right to your inbox!

Thank you for your subscription

×