Get Even More Visitors To Your Blog, Upgrade To A Business Listing >>

امریکہ پاکستان کی اقتصادی امداد نہیں روکے گا: احسن اقبال

امریکہ پاکستان کی اقتصادی امداد نہیں روکے گا: احسن اقبال

پاکستان کے وزیر داخلہ احسن اقبال نے کہا ہے کہ امریکہ نے عندیہ دیا ہے کہ وە پاکستان کو دی جانے والی اقتصادی امداد نہیں روکے گا۔

یہ بات انھوں نے ایک ایسے وقت کہی ہے جب گذشتہ روز بدھ کو امریکی کانگریس میں پاکستان کو دی جانے والی اقتصادی امداد روکنے کا مطالبہ کرتے ہویے ایک بل پیش کیا گیا جبکہ امریکہ نے پہلے ہی پاکستان کو فوجی امداد نہ دینے کا اعلان کر رکها ہے۔

دورۂ امریکہ کے دوران واشنگٹن میں بی بی سی اردو کے ساتھ خصوصی انٹرویو میں احسن اقبال کا کہنا تها کہ ’امریکی کانگریس میں مختلف لابیز ہیں جو اپنی پسند کے بل متعارف کراتے رہتے ہیں لیکن ہماری جو امریکہ کی انتظامیہ سے بات چیت ہوئی ہے اس سے یہی عندیا ملتا ہے کہ امریکہ اقتصادی امداد روکنے کا ارادہ نہیں رکهتا ۔‘

پاکستان امریکہ تعلقات کے بارے میں مزید پڑھیں!

ان کا کہنا تھا کہ افغانستان کے حوالے سے امریکہ میں (پالیسی کے لحاظ سے) نئے تجربات کیے جا رہے ہیں لیکن پاکستان اور افغانستان کا جغرافیہ ایک ہی ہے اس لیے امریکہ کے لیے افغانستان میں امن کی کوششوں میں دنیا میں کوئی ملک پاکستان سے زیادە اہم اور مددگار نہیں ہو سکتا۔

انھوں نے خطے میں امریکہ کی اہمیت کو اجاگر کرتے ہوئے کہا کہ ’دونوں ممالک اہم ہیں اس لیے ایک دوسرے پر انگلیاں اٹهانے کے بجائے مشترکہ کوششوں کی ضرورت ہے۔‘

افغان پالیسی سے متعلق ٹرمپ انتظامیہ کا رویہ بے شک نیا ہو مگر بداعتمادی کے پیچهے الزام تو وہی پرانا ہے کہ پاکستان مخصوص انتہاپسندوں کو محفوط پناە گاہیں مہیا کر رہا ہے، اس سے متعلق وزیر داخلە کا کہنا تها کہ ’بی بی سی کی تازە رپورٹ میں کہا گیا ہے کہ افغانستان کا 70 فیصد علاقہ افغان حکومت کے کنٹرول میں نہیں، امریکە کہتا ہے 45 فیصە علاقہ انتہاپسندوں کے کنٹرول میں ہے تو ایسے میں انتہا پسندوں کو پاکستان میں محفوظ پناە گاہوں کی ضرورت ہی نہیں۔‘

پاکستان میں اسامہ بن لادن کی موجودگی کے حوالے سے وزیر داخلہ کا کہنا تها کہ ’ایسے کوئی شواہد نہیں ملے کہ پاکستانی ریاست اسامہ بن لادن کی کسی قسم کی مدد کر رہی تهی۔‘

انھوں نے اس افغان موقف کی بھی تردید کی کہ اُن کے حوالے کیے جانے والے طالبان ، انتہاپسند نہیں بلکہ عام افغان پناە گزین ہیں۔

پاکستانتصویر کے کاپی رائٹEPA
Image captionسال نو کے آغاز پر صدر ٹرمپ کے پاکستان مخالف بیان پر پاکستان پر مظاہرے کیے گئے تھے

چینی باشندے کی ہلاکت کے پیچهے انڈیا؟

سی پیک پر بات کرتے ہوئے کراچی میں چینی باشندے کی ٹارگٹ کلنگ سے متعلق پاکستان کے وزیر داخلہ نے الزام عائد کیا کہ اس کے پیچهے انڈیا ہو سکتا ہے۔

انھوں نے سی پیک کو لاحق سکیورٹی خدشات پر بات کرتے ہوئے کہا کہ ’ہم نے سکیورٹی کے لیے تقریباً دس ہزار سے زیادە افراد پر مشتمل ایک خصوصی فورس تیار کی ہے۔ البتہ یہ بات بهی ریکارڈ پر موجود ہے کە ہمارا ہمسایہ ملک سی پیک سے بلاوجہ خائف ہے اور ہماری حراست میں موجود ان کے جاسوس کلبھوشن جادھو نے تسلیم کیا کہ سی پیک کو سبوتاژ کرنے کے لیے انڈیا نے دہشت گردی پهیلانے کے لیے نیٹ ورک تیار کر رکها ہے جبکہ اس مقصد کے لیے کثیر بجٹ بهی مختص کیا گیا ہے۔ جس طرح یە ٹارگٹ کلنگ کی گئی لگتا ہے یہ بهی اسی منصوبە بندی کا حصہ ہے۔‘

انھوں نے کہ اس طرح کے واقعات سے پاک چین دوستی کمزور نہیں بلکہ مزید مضبوط ہو گی۔

پشتون لانگ مارچ کی آواز کیوں دبائی جا رہی ہے؟

پشتونوں کے احتجاج کے حوالے سے احسن اقبال نے کہا کہ ’بیرون ملک ہونے کے باوجود میں نے خود سراپا احتجاج پشتون لوگوں سے بات کی۔ ’ہم نے انھیں یقین دلایا ہے کہ راؤ انوار کو سکیورٹی ادارے جلد حراست میں لے لیں گے اور یہ تاثر بالکل غلط ہے کہ راؤ انوار کسی ریاستی ادارے یا سیاستدان کے پاس چهپے ہیں۔‘

The post امریکہ پاکستان کی اقتصادی امداد نہیں روکے گا: احسن اقبال appeared first on ماہنامہ میرے محسن.



This post first appeared on Islamic Society Magazine | Islamic Magazine Around The Family, please read the originial post: here

Share the post

امریکہ پاکستان کی اقتصادی امداد نہیں روکے گا: احسن اقبال

×

Subscribe to Islamic Society Magazine | Islamic Magazine Around The Family

Get updates delivered right to your inbox!

Thank you for your subscription

×