کپڑے تہہ کرنے والی مشین متعارف
لاس اینجلس: ہوم اپلائنسز کی ایک فرم نے ایسی مشین متعارف کرادی ہے جس میں آپ کپڑے رکھ دیں تو کسی پرنٹر کی طرح وہ انہیں فولڈ کرکے آپ کو واپس کرے گی۔
دنیا کا معروف ترین کنزیومر الیکٹرونکس شو امریکا کے شہر لاس اینجلس میں ختم ہوگیا مگر اب تک اس کی گونج باقی ہے اور مغربی میڈیا چن چن کر اس میں متعارف کرائی گئی انوکھی اشیا کو ایک کے بعد ایک خبر کے ذریعے پیش کررہا ہے۔
فولڈی میٹ نامی یہ مشین تین فٹ اونچی ہے جسے کئی برس قبل بنایا گیا تھا تاہم اس کا اپ گریڈ ورژن اب پیش کیا گیا ہے اور اس کی قیمت 720 پاؤنڈ رکھی گئی ہے ۔
کمپنی کا کہنا ہے کہ یہ مشین ایک قمیص یا پینٹ کو تہہ کرنے میں دس سیکنڈ صرف کرتی ہے اس میں بیک وقت 15 تا 20 کپڑے رکھے جاسکتے ہیں جو یکے بعد دیگرے تہہ ہوکر آپ کو ملتے رہیں گے تاہم بڑے سائز کے کپڑے یا بہت چھوٹے کپڑے یہ مشین فولڈ نہیں کرسکے گی۔
Related Articles
The post کپڑے تہہ کرنے والی مشین متعارف appeared first on ماہنامہ میرے محسن.
This post first appeared on Islamic Society Magazine | Islamic Magazine Around The Family, please read the originial post: here
