Get Even More Visitors To Your Blog, Upgrade To A Business Listing >>

Umuryango wa Ndahimana Narcisse wasezeranye yambaye kamambiri uzambikwa n’inzu ya Moshions mu bukwe bwawo

Inzu y’imideli ya Moshions yasezeranyije umuryango wa Ndahimana Narcisse kuzamwabika n’umugore we Mutuyemariya Consilie bazasezerana imbere y’Imana ku itariki ya 29 Ukuboza 2018.

Umuryango wa Ndahimana Narcisse wasezeranye yambaye kamambiri uzambikwa n'inzu ya Moshions mu bukwe bwawo

Moshions Yemeye Kuzambika Ndahimana n’umugore we nyuma y’uko inkuru y’urukundo rwa bombi yaciye ibintu ku mbuga nkoranyambaga biturutse ku buryo bagiye gusezerana imbere y’amategeko mu Murenge wa Shyogwe bambaye kamambili n’imyenda ishaje.

Ndahimana Narcisse w’imyaka 42 aherutse gusezerana imbere y’amategeko n’umugore we Mutuyemariya Consilie w’imyaka 33. Ubu bukwe bwabaye ku wa 29 Ugushyingo 2018 i Shyogwe mu Karere ka Muhanga.

Amafoto yabo yarakwirakwijwe bikomeye ku mbuga nkoranyambaga abenshi bibaza cyane kuri ubu bukwe. Byabanje gufatwa nka filime y’urwenya yarimo ikinwa, abandi bahise bakorwa ku mutima no kubona Ndahimana asezerana yambaye kamambiri n’imyenda ishaje kandi isa nabi.

Uru rugo rufite inkuru ikomeye kandi iteye ikiniga ukurikije uko basobanura ubuzima babayemo iwabo ahitwa mu Kinini.

Ndahimana yadutangarije yuko iriya karuvati yasezeranye yambaye niyo yasigiwe na se, yabuze inkweto yambara kubera ubukene ahitamo kwambara izisanzwe zimenyerewe nk’izikarabirwamo kandi nazo zishaje.

Inzu y’imideli ya Moshions yemeye kuzambika Ndahimana n’umugore we ku munsi w’ubukwe bwa gikirisitu bateganya gukora ku itariki ya 29 Ukuboza 2018.

Turahirwa Moses uyobora Moshions, yavuze ko yakozwe ku mutima n’iyi nkuru ndetse yiyemeza gukora igishoboka akazambika aba bageni ku buryo umunsi wabo uzaba ikinyuranyo ugereranyije n’uko bagiye mu murenge basa.

Ati: “Iyo nkuru narayibonye, ndi kuvugana n’abantu bari kureba uwo muntu. Njye nemeye ko nzafasha uriya muntu kumushakira imyenda najya gukora ubukwe […] Dushobora gukora akantu gato bigatuma umuntu yishima cyangwa akabona ko hari ikintu abantu babikozeho.”

Mu mashusho Inyarwanda TV yashyize hanze, Moses Turahirwa yumvikana avuga ko azambika umugabo n’umugore ndetse n’abazabagaragira bose. Ati: “Ndimo kubikoraho, sinavugaho byinshi ariko wenda muzabibona, ngomba kugira icyo mbikoraho nka Moses cyangwa nka Moshons kugira ngo ubukwe bwabo buzabe bwiza.”

Mu Rwanda no hanze, hari amatsinda y’abantu biyemeje gufasha uyu muryango kugira ngo ubuzima bwawo buhinduke. Kugeza ubu, Ndahimana yatangiye kuvurwa bigizwemo uruhare n’Akarere ka Muhanga ndetse Ibitaro bya Kabgayi byamwohereje muri CHUK kuvurwa byisumbuyeho.

The post Umuryango wa Ndahimana Narcisse Wasezeranye Yambaye Kamambiri uzambikwa n’inzu ya Moshions mu bukwe bwawo appeared first on Touchrwanda.com.



This post first appeared on Rwanda Entertainment News - Touchrwanda.com, please read the originial post: here

Share the post

Umuryango wa Ndahimana Narcisse wasezeranye yambaye kamambiri uzambikwa n’inzu ya Moshions mu bukwe bwawo

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×