Get Even More Visitors To Your Blog, Upgrade To A Business Listing >>

Abakobwa 2 babyaranye na se ubabyara, basengewe bahabwa n’inzu yo kubamo

Muhawenimana Celaphine n’umukobwa we, akaba na mukeba we witwa Hadasa, basengewe batanga n’ubuhamya bavuga akaga bahuye nako.

Abakobwa 2 babyaranye na se ubabyara, basengewe bahabwa n'inzu yo kubamo

Muhawenimana Celaphine umukobwa wa Hadasa akaba na mukeba we uvuga ko umugabo wamubyaye ari we wamuteye inda, bamara kubyarana uwo babyaye nawe, umugabo akamurongora akamutera n’inda, yatanze ubuhamya bukomeye ubwo yari mbere y’itorero Rya Zion Temple maze Umushumba waryo Dr Paul Gitwaza aramusengera n’urubyaro rwe ngo babohoke bakurweho imivumo n’iyo migambi ya Satani.

Muhawenimana Celaphine yari uri kumwe n’abana be, ndetse n’abana ba Hadasa yatanze ubuhamya nyuma y’uko kuwa gatatu umukobwa we Hadasa na we yari yatanze ubuhamya bahuriyeho.

Ati: “Yesu yampamagaye ndaza, Umwana wanjye wa mbere w’imfura ni uyu (Hadasa), nazanye basaza be babiri n’abana ba Hadasa babiri. Ndishimye kandi imbaraga z’amasengesho yanyu zangezeho. Mu rugamba rukomeye mwarwanye ndabashimiye mu izina rya Yesu.”

“Ibyo Hadasa yababwiye ni ukuri, ibyo yababwiye byatubayeho, kubisubiramo ni intimba ikomeye, ariko Yesu yampamagaye ngo nze nifatanye namwe.”

Apôtre Dr Paul Gitwaza yongeye gusubiramo ibyabaye kuri Hadasa na Nyina mu magambo make ati: “Muhawenimana, Hadasa n’umwana wa Hadasa bahuje se. Uwakabaye Sekuru wa Hadasa ni we Se, akaba na Se w’umwuzukuruza we”.

“Ibaze kugira ngo uwakabaye umwana wawe, n’uwakabaye umwuzukuru wawe bose babe abagore bawe! Uwakabaye umwuzukuruza wawe akaba umwana wawe? Ese ibyo mu Kinyarwanda bibaho? Ibi bikorwa n’imbaraga z’ikuzimu kandi nta we uvumbura iby’i Kuzimu uretse Umwuka w’Imana.”

Abakobwa 2 babyaranye na se ubabyara, basengewe bahabwa n'inzu yo kubamo

Umugabo wabyaye Muhawenimana yaramusambanyije babyarana Hadasa, hanyuma arongera arongora Hadasa wakabaye ari umwuzukuru we maze na we barabyarana. Muhawenimana n’umukobwa we akaba na mukeba we icyarimwe bose ngo babaga mu rugo rw’uwo mugabo ufatwa nk’umubyeyi wabo akaba n’umugabo wabo bombi.

Abakobwa 2 babyaranye na se ubabyara, basengewe bahabwa n'inzu yo kubamo

Apôtre Dr Paul Gitwaza afatanyije n’abayoboke b’Itorero rya Zion Temple biyemeje kubakura muri urwo rugo bagashakirwa indi nzu.

Dr Paul Gitwaza Yagize ati: “Aho si ahantu bakagombye gukomeza kuba. Ndagirango tubakure hariya tubashakire inzu, Yesu ntiyakwihanganira ibi, ni yo mpamvu yabahamagaye ngo baze babohoke.”

Abakobwa 2 babyaranye na se ubabyara, basengewe bahabwa n'inzu yo kubamo

Umwe mu bayoboke ba Zion Temple yatanze inzu ngo Muhawenimana na Hadasa n’abana babo babashe kubona aho baba maze itorero ryiyemeza gutanga ituro ryo kubafasha ndetse no kubakodeshereza iyo nzu bakanabashakira ibikoresho byiza bishyashya byo gukoresha mu rugo no kuraraho.

The post Abakobwa 2 babyaranye na se ubabyara, basengewe bahabwa n’inzu yo kubamo appeared first on Touchrwanda.com.



This post first appeared on Rwanda Entertainment News - Touchrwanda.com, please read the originial post: here

Share the post

Abakobwa 2 babyaranye na se ubabyara, basengewe bahabwa n’inzu yo kubamo

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×