Get Even More Visitors To Your Blog, Upgrade To A Business Listing >>

Amwe mu makosa abagore bakora abagabo badashobora kwihanganira

Umubano mwiza hagati y’umugabo n’umugore ugira uburyo bwinshi bwo gushyigikirwa, kandi bikagendana no kwirinda amwe mu makossa ashobora kuba yakwangiza umubano w’abashakanye. Muri iyi nkuru twibanze kuri amwe mu makosa abagore bakora abagabo badakunze kwihanganira kandi akaba yakwangiza imibanire y’abo n’abo bashakanye.

Amwe mu makosa abagore bakora abagabo badashobora kwihanganiraGufuha abonye umugabo we avugana n’undi mugore:ni ibintu kamere biba mu bagore benshi kuko ukunze gusanga bagirira ishyari undi mugore wese ushobora kugirana umubano wa hafi n’umugabo.Burya mu rukundo ni byiza kwizerana kuko mu gihe habuzemo kwizerana usanga urukundo rubiha ikindi rugasenyuka rukanasenya ingo nyinshi.

Kutimenya: abenshi mu bagore ukunze gusanga biyibagirwa ntibamenye icyo baricyo ntibanamenye icyo bashaka ahubwo ugasanga buri gihe bita ku kugendera kuri bagenzi babo uko bameze ,bambara bifata n’ibindi, ibi reo si byiza kuko byaguteza ibibazo utigeze utekereza.

Kutavugisha ukuri mugihe bafite ibibazo: Iyo ugereranyije n’abagabo usanga umugabo iyo afite ikibazo akivuga vuba adaciye ku ruhande ibi bigatuma na bo bumva babwizwa ukuri igihe cyose. Ku bagore ho si ko bimeze kuko usanga iyo bafite ikibazo banyura hirya no hino kugirango babashe kukivuga. Ibi rero bishobora gukurura amahane hagati y’abashakanye kuko abagabo barakara vuba kandi bakazira umuntu ubabeshya.

Kutiyitaho: Ubundi bisanzwe bizwi ko umugore aho ari hose arangwa no kugira isuku ndetse no gusa neza. Rimwe na rimwe rero bijya bibaho ugasanga umugore yamaze kugera mu rugo we n’umugabo we ugasanga umugore yaba ye nka wa wundi wiyitagaho kuko hari icyo yashakaga none nyuma yo kukibona akicwereza.Ugasanga nta gatege agishyira mu byo akora birebana n’isuku.

Kwivumbura: akenshi abagore bakenera ibintu byinshi by’ingenzi, ariko ugasanga rimwe na rimwe abagabo babo ntibafite ubushobozi bwo kubibaha cyangwa ngo babibahere igihe babikenereye. Si byiza rero gushyiraho imbaraga ku mugabo wawe ngo umubwire ko kuba atakoze ibyo wifuzaga ari icyaha kandi byakubabaje cyane. Inzira nziza ni ukumubwira uti mukunzi mwiza ndumva byanshimisha unkoreye iki.

Aya yari amwe mu makosa Abagore Bakora Abagabo dadashobora kwihanganirra, aha rero ni ahanyu rero bagore, ibitagenda neza nimubikosore mubashe kubaho mwishimye mu rukundo n’abo mwashakanye bityo ubuzima bubaryohere kurushaho.

The post Amwe mu Makosa Abagore Bakora abagabo badashobora kwihanganira appeared first on Touchrwanda.com.



This post first appeared on Rwanda Entertainment News - Touchrwanda.com, please read the originial post: here

Share the post

Amwe mu makosa abagore bakora abagabo badashobora kwihanganira

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×