Get Even More Visitors To Your Blog, Upgrade To A Business Listing >>

Nkunzingoma Ramadhan watozaga abanyezamu ba Rayon Sports yirukanywe

Ivan Minnaert, umutoza mukuru wikipe ya Rayon Sports  usashimishijwe n’abakozi bakoranaga na na Karekezi Olivier bose, yamaze kwirukana umutoza w’abanyezamu Nkunzingoma Ramadhan kubera kutumvikana ku mukino wabahuje na Kiyovu Sports.

Nkunzingoma Ramadhan watozaga abanyezamu ba Rayon Sports yirukanywe

Amakuru UMURYANGO ukesha RuhagoYacu aravuga ko ubushyamirane bwa Minnaert na Ramadhan bwatewe n’uko ku mukino wo ku munsi w’ejo Rayon Sports yanganyije na Kiyovu Sports ibitego 2-2,umutoza Ivan Minnaert yashatse gusimbuza Niyonzima Olivier Sefu agasimburwa na Mugisha Gilbert, ntiyumvikana n’abatoza bagenzi be bo bumvaga havamo Mugisha Francois Master agasimburwa na Nahimana Shassir kugira ngo babashe kurema amahirwe yo kuba bakwishyura Kiyovu Sports yari yabatsinze.

Nubwo ibyo aba batoza bungirije bavuze aribyo Minnaert yakoze,ntiyishimiye ko bamuvuguruje ndetse yaje gushwana na Ramadhan Nkunzingoma,amubwira ko ntacyo amaze ndetse ko nta n’impamyabumenyi y’ubutoza agira.

Ibi byababaje uyu mutoza w’abanyezamu ku buryo bukomeye, ndetse ntiyagaragara mu gusangira kw’ikipe kwabaye nyuma y’uyu mukino.

Amakuru aravuga ko Minnaert yamaze kwirukana Ramadhan nkuko mu minsi ishize yabigenje kuri Witakenge wari umutoza wungirije.

The post Nkunzingoma Ramadhan Watozaga Abanyezamu ba Rayon Sports Yirukanywe appeared first on Touchrwanda.com.



This post first appeared on Rwanda Entertainment News - Touchrwanda.com, please read the originial post: here

Share the post

Nkunzingoma Ramadhan watozaga abanyezamu ba Rayon Sports yirukanywe

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×