Get Even More Visitors To Your Blog, Upgrade To A Business Listing >>

Paul Kagame na Frank Habineza nibo bakandida rukumbi bemewe na komisiyo y’amatora

Kuri uyu wa Kabiri tariki 27 Kamena 2017, Komisiyo y’amatora yatangaje urutonde rw’agateganyo rw’abakandida bemewe ku mwanya wa Perezida wa Repubulika.

Mu bemejwe, nta mukandida wigenga n’umwe urimo.

Nk’uko Komisiyo y’amatora yabitangaje, Paul Kagame wa FPR Inkotanyi na Frank Habineza w’ishyaka rya Democratic Green Party, nibo bakandida bemejwe by’agateganyo kuko ari bo gusa bujuje ibisabwa byose.

Komisiyo y’amatora yatangaje ko abandi barimo Diane Shima Rwigara, Mpayimana Philippe, Mwenedata Gilbert batujuje ibisabwa byose, byumvikana ko mu batemejwe harimo na Barafinda Sekikubo Fred cyane ko we ibyangombwa bye bitigeze byakirwa na Komisiyo n’ubwo yabitanze. Aba batujuje ibisabwa, bahawe iminsi 5 ngo buzuze ibindi bibura.

Mpayimana Philippe, Diane Shima Rwiagara na Mwenedata Gilbert, bose bagiye batangaza ko ibyangombwa batanze byuzuye, ariko Komisiyo ivuga ko hari ibibura. Kuri Mpayimana we, yasubiye mu Bufaransa aho yari asanzwe aba, avuga ko azagaruka tariki 5 Nyakanga. Atagarutse igitaraganya ngo abyuzuze, bisobanura ko kandidatire ye itazanemerwa kuko itaba yujuje ibisabwa.



This post first appeared on Rwanda Entertainment News - Touchrwanda.com, please read the originial post: here

Share the post

Paul Kagame na Frank Habineza nibo bakandida rukumbi bemewe na komisiyo y’amatora

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×