Pela segunda vez, Portugal e Galiza participam, em conjunto, na III Semana Internacional das Culturas, na Irlanda, pela promoção daquilo que nos une, afirmando também que a existência de fronteiras é apenas um mero risco no mapa, no que toca pelo menos ao aspecto cultural.

De 20 a 24 de Fevereiro, a Galiza e Portugal vam estar presentes na «III Semana Internacional das Culturas» a se celebrar na cidade irlandesa de Cork. Por terceiro ano consecutivo a Galiza estará representada na Semana Internacional das Culturas, evento organizado pela University College Cork (Irlanda). Na sua primeira ediçom, em 2004, a Galiza foi a única naçom ibérica a participar, mas no ano passado uniram-se também representaçons dos Países Cataláns e de Portugal.

Neste ano pretende-se reforçar o conceito da continuidade linguística e cultural da «PortuGaliza» e dar a conhecer os contributos feitos nesta direcçom pola Associaçom Galega da Língua durante os últimos 25 anos.

Mais uma vez os postos galego e português estám de maos dadas, oferecendo ao visitante informaçons sobre cada um dos países e sobre a sua peculiar e íntima relaçom.

Como se pode ver, as vontades Luso-Galaicas não esmorecem perante as constantes tentativas centralistas de separar definitivamente uma Cultura que há tempos e tempos luta por uma justa reintegração.